Isaia 4:6 - ÎVUKU RÎA ÛVORO MWARO

⁶ Riiri wake nîûgaatuîka kîruru Kîam gûkunîkîra îtûûra mûthenya nîûndû wa ûrugarî wa riûa na kûndû gwa kwîthitha rûkûngi rûnene na mbura.

Isaia 4:6 ပူးပေါင်းရင်းမြစ်များ

Thaburi 27:5

Vîndî ya thîna nîakaangitîra, nîakaanthitha hekarûrî yake, na ambigage îgûrû vandû vagitîre.

Thaburi 55:8

Nîngîthiî na îvenya na ngacarie vandû varî na ûgitîri, ngauma kûrî rûkûngi rûnene na kîvuvûkanio.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 14:32

Anjaama arîa makaauma vûrûrirî ûcio magaacokerua atîa? Makerwa atî, Ngai-Mûnene nîatumîte îtûûra rîa Zayuni, kûu nîkuo andû ake arîa marî na thîna maûragîra.

Isaia 25:4

Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 32:1

Nîgûkaagîa na mûthamaki ûkaathanaga na ûthingu, na anene mathanage na kîvooto.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 8:14

Nie ngaatuîka kûndû gwa kûrîra, ngatuîka ta îthiga rîa kûmavînga, îthiga rîa kûvînga mothamaki ma Juda na Isiraeli; na nduîke mûtego wa kûnyita andû a Jerusalemu.

Ezek 11:16

“Kwoguo îra andû arîa marî îthamîriorî atî nie Ngai-Mûnene, nînie naamavirire kûndû kûraca na ngîmanyaganîria mavûrûrirî mengî. Kûnarî ûguo, kavindarî gaka nîmbîthîrwa nîrî nao mavûrûrirî monthe kûrîa maathiîre.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Kûguû 7:16

Nao matikaavûta kana manyonde. Na matigaacoka kûvîvua nî riûa rîngî kana ûrugarî wa rîo