Isaia 4:2 - ÎVUKU RÎA ÛVORO MWARO

² Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 4:2 ပူးပေါင်းရင်းမြစ်များ

Thaburi 67:6

Kûrî na maketha vûrûrirî; Ngai, Ngai wetû, nîatûrathimîte.

Thaburi 72:16

Vûrûrirî kûrogîa na irio nyîngî; irîmarî kûrogîa na irio nyîngî, ta irîa ikûraga Lebanoni. Nao andû maroîcûra matûûrarî, ta nyaki îrî mûgûndarî.

Ntha 28:2

Ûgaatumîra mûrwanyûkwe Aroni nguo ntheru nîguo onekanage arî na riiri na arî mûthaka.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 30:23

Rîrîa mûkaavanda mbeû mîgûndarî yenyu, Ngai nîakaaurithia mbura, nacio nîigaakûra na iciare maciaro meengî. Nacio ndîthia cienyu nîikaagîa na kûndû kûnene mûno gwa kûrîthua.

Isaia 45:8

Mbura nîyure kuuma îgûrû, namo matu nîmaurithie ûthingu nthî, nthî nîyatûke nîguo îciare ûvonokio, na îtûme kûgîe na ûthingu wanaguo. Nie Ngai-Mûnene nînie mbîkîte maûndû mau.”

Isaia 53:2

Nîûndû ndungata îo yake yakûrire îrî mbere yake ta mûtî mwîthî, ta mûri ûrî nthî îno nyûmagaru. Ndîarî na mûmbîre kana ûndû ûngîatûmire tûmîende, na ndîarî na ûthaka ûrîa ûngîatûmire tûmîrirîrie.

Isaia 60:15

Wana ethîrwa nîwatiganîrîtue na ûkamenwa, na andû onthe makaûraga nîwe, vandû va ûguo nîngaagûtua ûgîe na riiri tene na tene, kûndû kwa gûkenagîrwa nî njiarwa cionthe.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:11

Nîûndû wata ûrîa mûthetu ûtûmaga mbegû îmere, na wata ûrîa mûgûnda ûtûmaga kîrîa kîvande kuo gîkûre, ûguo nwaguo Mwathani Ngai-Mûnene agaatûma ûthingu na ûkumio, cionekane ndûrîrîrî cionthe.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Jeremia 33:15

Mîthenya îo na îvinda rîu, nîngatûma kûgîe na mûndû mûthingu kuuma rûciaro rwa Daudi atuîke mûthamaki; nake nîakaathana na ûûma na kîvooto gûkû nthî.

Jeremia 44:14

Kwoguo gûtirî mûndû wanarî ûmwe wa arîa matigarîte Juda, na mathiîte gûtûûra Misiri, ûkavonoka kana atûûra mwoyo kana acoka vûrûrirî wa Juda kûrîa meriragîria gûcoka gûtûûra. Matigacoka kuo tiga andû amwe arîa matûûraga maûrûraga.”

Jeremia 44:28

Nwatî andû anini enyu nîmakavonoka gîkuû na maume Misiri macoke Juda. Na andû onthe a Juda arîa maatigarîte na maathiîte gûtûûra Misiri, nîmakaamenya nî ciugo ciao kana nî ciakwa ciama.

Ezek 34:29

Nîngaaiva mîgûnda mîaro îgûkûra irio nîguo itigaacoke kûgîa na yûra vûrûrirî ûcio, na itigaacoka kûthekererwa nî ndûrîrî rîngî.

Ezek 36:8

Nwatî mue irîma cia Isiraeli, mîtî yenyu nîîkagîa na mvûa na îciare matunda nîûndû wa andû akwa a Isiraeli nîûndû kavinda gatarî karaca nîmagaacoka kwao.

Ezek 7:16

Andû arîa makaavonoka nîmakaaûra na mathiî magekarage irîmarî, magîcayaga ta ndutuura cia ciandarî, wa mûndû nîûndû wa mevia make.

Joeli 2:32

Nwatî andû onthe arîa makaavoya Ngai-Mûnene amatethie, nîmakaavonokua. Nîûndû kîrîma gîa Zayuni na Jerusalemu, nîgûkethîrwa na ‘andû makaavonoka, arîa magaatigara nî arîa nie nthurîte, ta ûrîa mbugîte nie Ngai-Mûnene.’ ”

Joeli 3:18

Vîndî îo, irîma nîikaanyûrûrûkia ndivei îrî na mûrîo, na irîmarî kumage îria, gûkethîrwa kûrî na manjî tûrûnjîrî tuonthe twa Juda. Gûkethîrwa kûrî na karûnjî nyombarî ya Ngai-Mûnene, karûnjî kau nîgakaathiîrîra Kîamndarî gîa Shitimu.

Obadia 1:17

“Nwatî kîrîmarî gîa Zayuni nîgûkethîrwa arîa makaavonokua, gûkethîrwa kûrî kûndû kûtheru. Andû a Jakovu nîmakegwatîra vûrûri ûrîa maacunîtwe ûtuîke wao kîûmbe.

Zakaria 3:8

Tathikîrîria waro, we Joshua Mûthînjîri-Ngai mûnene. Wa namue athînjîri-Ngai arîa mûtungataga vamwe nake tathikîrîriani. Mue oni a maûndû ma mavinda marîa magaaûka tathikîrîriani. Nîngûreta ndungata yakwa îrîa îtagwa Rûvûa.

Zakaria 6:12

Mwîre Ngai-Mûnene mwene vinya wonthe augîte atî, ‘Ûyû nîke mûndû ûrîa wîtagwa Rûvûa. Nîagaatamba arî wa vau arî na atume rîngî hekarû ya Ngai-Mûnene.

Zakaria 9:17

Kaî makethîrwa marî aro na athaka-î! Andû ethî nîmakaagîcaga na vinya nîûndû wa ngano na ndivei.

Malaki 3:17

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Pet 1:16

Vîndî îrîa tue twamûmenyithirie ûvoro wîgiî gûka kwa Mwathani wetû Jesû Kristû arî na ûvoti mûnene, tî ng'ano cia gwîtungîra twamûganagîra. Nwatî nîtweyonere ûnene wake na metho metû.