Isaia 38:5 - ÎVUKU RÎA ÛVORO MWARO

⁵ “Thiî ûkeere Hezekia, Ngai-Mûnene, Ngai wa aguo Daudi arauga atî: ‘Nîmbîguîte îvoya rîaku na nîmonete methori maku; kwoguo nîngûkwongerera mîaka îkûmi na îtano ûtûûrorî waku.

Isaia 38:5 ပူးပေါင်းရင်းမြစ်များ

1Atha 15:4

Nwatî nîûndû wa Daudi, Ngai-Mûnene, Ngai wake nîwavere Abija mwana wa kavîcî karîa gagaatuîka mûthamaki vuva wake nîguo gatuîke taa ya kûtherera Jerusalemu na kaige îtûûra rîu rîa Jerusalemu rîrî na vinya.

1Atha 8:25

Kwoguo we Ngai-Mûnene, Ngai wa Isiraeli, rîu vingia kîîranîro kîrîa werîre vava Daudi rîrîa wamwîrire atî, ‘vîndî cionthe gûkethagîrwa kûrî na mûndû wa njiarwa ciaku ûkethagîrwa arî mûthamaki wa Isiraeli, ethîrwa mûkambathîkagîra wata ûrîa aakwathîkagîra.’

2Atha 18:13

Mwakarî wa îkûmi na îna (14) Hezekia arî mûthamaki, Senakeribu, mûthamaki wa Asîria nîwatharîkîre matûûra manene monthe marîa mairigîre ma Juda na akîmanyita.

2Atha 18:2

Aarî na ûkûrû wa mîaka mîrongo îîrî na îtano (25), na nîwathanire arî Jerusalemu îvinda rîa mîaka mîrongo îîrî na kenda (29). Ng'ina eetagwa Abija, mwarî wa Zekaria.

2Atha 19:20

Isaia mûvîcî wa Amosi nîwatûmanire kûrî mûthamaki Hezekia atîrî, “Ngai-Mûnene, Ngai wa Isiraeli augîte atî, ‘Nîmbîguîte îvoya rîaku rîgiî Senakeribu, mûthamaki wa Asîria.’

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Ayubu 14:5

Mîthenya ya mûndû gûtûûra mwoyo nî mîtare, na nîwicî mîeri îrîa agûtûûra mwoyo; na ndangîvîtûkia îvinda rîrîa ûmwigîrîte rîa gûtûûra.

Thaburi 116:15

Gîkuû Kîam andû a Ngai-Mûnene, nî ûndû ûrî vata mbere yake.

Thaburi 147:3

Ke nîavonagia arîa akuû ngoro, na akamova ironda ciao.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Thaburi 56:8

We nîwicî ûrîa nthînîkîte; we nîwicî methori makwa monthe marîa ndîrîte. Na kinthî monthe matirî îvukuurî rîaku?

Thaburi 6:9

Ngai-Mûnene nîeguîte mathaithana makwa, na nîagûcokia mavoya makwa.

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Isaia 37:21

Isaia, mûvîcî wa Amozu nîwacokire agîtûma ndûmîrîri kûrî Hezekia akiuga atîrî, “Ngai-Mûnene, Ngai wa Isiraeli arauga atî: Nîûndû nîûmvoete nîûndû wa Senakeribu mûthamaki wa Asîria,

Isaia 38:4

Naguo mûgambo nîwaumire kûrî Ngai-Mûnene ûkîra Isaia atîrî,

Maca 3:56

Rîrîa nagûkaîre ngîkwîraga atîrî, “Ndûkavinge matû ûrega kwîgua makaya makwa,” we nîwanthikîrîrie.

Mathaayo 22:32

‘Nie nînie Ngai wa Iburahimu, Ngai wa Isaka na Ngai wa Jakovu.’ Ke nî Ngai wa arîa marî mwoyo tî Ngai wa arîa akuû.”

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

2Akor 7:6

Nwatî Ngai ûrîa ûmagîrîria arîa marî na mathîna, nîwatûmîrîrie rîrîa Tito aûkire.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”