Isaia 38:3 - ÎVUKU RÎA ÛVORO MWARO

³ na akiuga atîrî, “Ûûi Ngai-Mûnene, nakûthaitha ûririkane ûrîa mbîthîrîtwe nîrî mwîvokeku kûrî we na ngoro yonthe, na ngîkaga maûndû marîa wonaga marî maro.” Na Hezekia nîwarîrire arî na ûrûrû mwîngî mûno.

Isaia 38:3 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 6:9

Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai.

1Atha 15:14

Wana ethîrwa Asa ndaacûkangia kûndû kuonthe kûrîa gûtûgîru gwa kûgoocagîrwa, nîwatûûrire arî mwîvokeku kûrî Ngai-Mûnene ûtûûrorî wake wonthe.

1Atha 2:4

Ngai-Mûnene akaavingia kîîranîro gîake kîrîa aambîrîîre atî njiarwa ciakwa nîikaatha Isiraeli ethîrwa nîikaavingia mawatho marîa nîmavete na methagîrwe marî evokeku kûrî nie na ngoro ciao cionthe na mîoyo yao yonthe.

2Atha 18:3

Hezekia nîwekire maûndû marîa maakenagia Ngai-Mûnene wata ûrîa îthe, Daudi eekaga.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

1Maû 29:19

Îkîra ngororî ya mûvîcîwa Solomoni wendi wa gûtûûra avingagia maathani maku, kîrîra na watho waku nîguo avote gûtuma nyomba îrîa mvarîrîtie.”

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 25:2

Amazia nîwekire maûndû marîa maakenagia Ngai-Mûnene, nwatî ndaamekaga na ngoro yonthe.

Ezira 10:1

Ezira nîwavoyaga akîrîraga na akiumbûraga mevia make akîgwîthagia nthî mbere ya hekarû. Vîndî wa îo gîkundi kînene Kîam andû a Isiraeli arûme, aka, na ciana, nîmaaûkire na makîûngana mamûthiûrûrûkîrîtie makîrîraga marî na ûrûrû mwîngî mûno.

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Nehemia 13:14

Ndirikana Ngai wakwa. Ndûkariganîrwe nî maûndû maro marîa mbîkîte nîûndû wa nyomba yaku na ûtungata waku.

Nehemia 13:22

Nînathire Alawi metherie na mathiî makarangîre ivingo nîguo mone atî thavatû nîgwîkara îrî nyamûre. Ngai wakwa, ndirikana nîûndû wa ûndû ûyû wanaguo na ûmbîguîre ntha nîûndû wa wendo waku ûtathiraga.

Nehemia 13:31

Nînavangire ûrîa ngû ikaaretagwa mavinda marîa maagîrîru, na matega ma matunda ma mbere vîndî îrîa matunîva. Ndirikana we Ngai wakwa, nîûndû wa maûndû mau monthe.

Nehemia 5:19

Nînakûvoya, Ngai ûririkane kûmbîka waro nîûndû wa maûndû monthe marîa naneka andû aya.

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Thaburi 102:9

Ndîcaga mûu ta irio, ndukanagia methori makwa na kîrîa nyunyaga,

Thaburi 119:80

Tûma ngoro yakwa yathîkagîre mawatho maku, nîguo ndigaconorithue.

Thaburi 16:8

Vîndî cionthe Ngai-Mûnene nîandongoragia, arî vamwe nanie na ndingîenyenya.

Thaburi 26:3

Nîûndû nîndongoragua nî wendo waku ûtathiraga, ndûûraga ngûrûmîrîrîte nîrî na wîvokeku.

Thaburi 32:2

Kûrathimwa nî mûndû ûrîa Ngai-Mûnene onaga atarî na mavîtia, mûndû ûrîa ûtaveenanagia.

Thaburi 6:6

Kîeva kîrîa nîrî nakîo nî gîtûmîte nthirwe nî vinya, ûtukû wonthe ûrîrî wakwa wîcûragwa nî methori; varîa mbigagîrîra kîongo nîvaconjaga na methori.

Thaburi 6:8

Nthengutîrani, mue andû arîa mekaga maûndû macûku! Nîûndû Ngai-Mûnene nîeguîte kîrîro gîakwa.

Isaia 38:2

Hezekia nîwacokire akîvûgûka akîroria rûthingo na akîvoya Ngai-Mûnene,

Isaia 38:4

Naguo mûgambo nîwaumire kûrî Ngai-Mûnene ûkîra Isaia atîrî,

Hosea 12:4

Nîwagianire na mûraika na akîmûvoota, nîwamûkaîre na akîmûthaitha amûrathime. Arî Betheli nîwacemanirie na Ngai, na arî kûu Ngai nîwaranîrie nake.

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Gûco 6:18

Îkagani maûndû marîa magîrîre na marîa maro methorî ma Ngai, nîguo maûndû menyu methîrwe marî maro na mûvote kwîgwatîra vûrûri mwaro ûrîa Ngai-Mûnene eerîre methe menyu na mwîvîtwa atî nîakaamava,

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.