Isaia 32:18 - ÎVUKU RÎA ÛVORO MWARO

¹⁸ Andû akwa magaatûûraga kûndû kûrî na thayû, kûndû kûgitîre na kûndû gûtarî na thîna.

Isaia 32:18 ပူးပေါင်းရင်းမြစ်များ

Thaburi 107:7

Nîwamatongoririe njîrarî nûngarû, nginya magîkinya îtûûrarî rîrîa maatûûrire.

Ntha 9:26

Gosheni gîcunjî kîrîa andû a Isiraeli maatûûraga nwakuo gûtaaura mbura îo ya mbembe.

Nthi 24:15

Ndûgakavîre andû arîa athingu ta ûrîa andû arîa aganu mekaga, ndûkathiî kûmacuuna indo kwao mîciî.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 14:3

Rîrîa Ngai-Mûnene akaathirîria andû a Isiraeli kîeva, mathîna na mawîra marito marîa maarutithagua,

Isaia 2:4

Ngai nîagaatuithania ciira gatagatî ka mavûrûri, na nîakeguîthania ndûrîrî nyîngî; magaatura mviû ciao cia njûra ituîke macembe ma mîraû, namo matumû mao matuîke tûviû twa gûcaa. Vûrûri ndûkaarûa na vûrûri ûrîa wîngî, kana merute kûrûa rîngî.

Isaia 26:12

We Ngai-Mûnene nîûtûvete thayû, nîûtûvotithîtie kûruta mawîra metû monthe.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 28:12

Kûnarî ûguo, nîwerîrîte andû aya atîrî, “Ûyû nîguo ûvurûko; nîngûva arîa anogu ûvurûko. Ava nîvo varî ûvurûko,” nwatî nîmaaregire kûnthikîrîria.

Isaia 30:15

Nîûndû Ngai-Mûnene, Ngai Ûrîa Mûtheru wa Isiraeli arauga atîrî, “Mûngînjokerera na mûkirîrîrie, nîmûkaavonoka; mwakirîrîria na mwanîîvoka mûkaagîcaga na vinya.” Nwatî mue nîmwaregire gwîtîkîra.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Isaia 65:21

Andû magaatumaga nyomba na magatûûra kuo; makaavandaga mîthavibu na makarîa matunda mayo.

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Ezek 34:28

Itigaatavwa nî ndûrîrî ciîngî, kana ciûragwa kana irîwa nî nyamû cia kîthaka. Igaatûûra irî ngitîre na itakûmakua nî kîndû.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Zakaria 3:10

Mûthenya ûcio wakinya, wa mûndû wa mûndû nîagetaga mûndû ûrîa mariganîtie nake athiî magekare rungu rwa mîthavibu na rungu rwa mîkûyû makenere thayû na ûgacîru wa vûrûri. Ûgo nîguo Ngai-Mûnene mwene vinya wonthe arauga.”

Ahib 4:9

Na njîra wata îno, nîgûtigarîtie mûthenya wa kûvurûka wa andû a Ngai, wata ûrîa Ngai aavurûkire mûthenya wa mûgwanja.

1Joh 4:16

Kwoguo tue nîtwîcî na nîtwîtîkîtie wendo ûrîa Ngai atwendete naguo. Ngai nî wendo na mûndû wa wonthe wîkaraga endanîte, ekaraga ndarî ya Ngai nake Ngai ekaraga ndaarî yake.