Isaia 32:16 - ÎVUKU RÎA ÛVORO MWARO

¹⁶ Kîvooto nîgîgaacoka kûonekana werûrî, naguo ûthingu ûtûûrage mûgûndarî ûrîa uumaga maciaro.

Isaia 32:16 ပူးပေါင်းရင်းမြစ်များ

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Isaia 28:6

Nîagaatongoria atucanîri ciira nîguo marûmagîrîre kîvooto marî magootirî, na nîakaava arangîri a îtûûra vinya.

Isaia 33:5

Ngai-Mûnene nî mûnene, ke atûûraga îgûrû; nîagecûria Zayuni na kîvooto na ûthingu.

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Isaia 42:11

Werû na matûûra marîa marî kuo nîmaugîrîrie, andû a icagi cia Kedari nîmamûkumie! Andû arîa matûûraga Sela nîmaine makenete, nîmaugîrîrie marî îgûrû rîa irîma!

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Jeremia 31:23

Ngai-Mûnene mwene vinya wonthe Ngai wa Isiraeli arauga atîrî, “Rîrîa ngaacokia andû a Isiraeli vûrûrirî wao, marî vûrûrirî wa Juda na matûûrarî maguo, nîmakaauga atî: ‘Ngai-Mûnene akûrathime we kîrîma kîthingu Kîam Jerusalemu, akûrathime we kîrîma kîtheru!’

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Zakaria 8:3

Nîngaacoka Zayuni nîguo ngatûûre Jerusalemu, nayo nîgaacoka gwîtagwa îtûûra rîvokeku, na kîrîma Kîammûre Kîam Ngai-Mûnene mwene vinya wonthe.