Isaia 32:14 - ÎVUKU RÎA ÛVORO MWARO

¹⁴ Nîûndû nyomba ya mûthamaki nîkaathamwa, na îtûûra rîrî îgweta ûguo rîtiganîrue. Irîma na nyomba ndaca na îgûrû cia arangîri igaatuîka maganjo tene na tene, nyûmbû nîigaakenaga irî kuo, na ng'ondu irîcage kuo.

Isaia 32:14 ပူးပေါင်းရင်းမြစ်များ

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

2Maû 33:14

Vuva wa ûguo Manase nîwatumire rîngî rûthingo rwa mwena wa nja rwa îtûûra rîa Daudi, mwena wa îthûîro wa kîthima Kîam Gihoni kîrîa kîrî Kîamndarî nginya kîvingorî kîrîa gîetagwa Kîvingo Kîam Nthamaki na kûthiûrûrûka nginya Ofeli na nîwarûtumire rûrî rûraca na îgûrû makîria. Wana nîwaigire anene a ikundi cia athigari a mbaara matûûrarî monthe ma Juda marîa maarî mairigîre.

Nehemia 3:26

Nacio ndungata cia hekarû irîa ciatûûraga Ofeli nîciatumire rûthingo rîngî nginya vandû varîa vaaroranîtie na kîvingo Kîam manjî mwena wa îrathîro na nyombarî îrîa ndaca na îgûrû.

Thaburi 104:11

Nîivecaga nyamû cionthe cia kîthaka manjî, nyûmbû inyunyaga manjî nyûnjîrî icio na ikanyondoka.

Isaia 22:2

Nîndûî kîratûma mugîrîrie mûkenete, îtûûra rîonthe rîcûrîtwe nî wagagu na înegene. Andû enyu arîa maakwire matiaûragwa na mviû, na matiaûragîrwa mbaararî.

Isaia 24:10

Îtûûrarî gûtirî na thayû na nîgûcûkangie, nyomba cionthe nî mvinge nîguo gûtigatonye mûndû.

Isaia 24:12

Îtûûra rîu rîgaatigwa rîrî maganjo; ivingo cia rîo nî munange.

Isaia 25:2

Nîûtûmîte îtûûra rîtuîke kîrûndo Kîam mathiga, ûgatûma îtûûra ririgîre rîtuîke îganjo. Nyomba ya ûnene ya andû a ndûrîrî nî nyomomore, na ndîgaatumwa rîngî tene na tene.

Isaia 27:10

Nîûndû îtûûra rîrîa ririgîre rîtigîtwe rîrî rîonga, rîtiganîrîtue na rîkathamwa ta werû. Kûu nîkuo ng'ombe irîthagua na ikamama wa kuo.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 7:23

“Vîndî îo, mîgûnda yonthe ya mîthavibu, îrîa wa mûgûnda warî na mîthavibu ngiri îmwe ya mwîgana wa sîlûva ngiri îmwe (1,000) kûringana na kîthimi Kîam hekarû, gûgaakûra nthaugû na mîgua.

Jeremia 14:6

Nyûmbû irûngamaga tûthûrûmûndûrî tûtarî na nyaki, ikîvevaga ta mbwe igîcaria rîera, metho ma cio matirona nîûndû wa gûtura irio.”

Jeremia 33:4

Nîûndû Ngai-Mûnene Ngai wa Isiraeli arauga atî, nyomba cia îtûûra rîa Jerusalemu, na nyomba cia athamaki a Juda nîikomomorwa nîûndû îtûûra rîu nîrîrigicîrie na rîkatharîkîrwa.

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Jeremia 6:5

Ûkîrani tûrîtharîkîre ûtukû, na tûcûkangie nyomba cia athamaki.”

Hosea 2:3

Ethîrwa tî ûguo nîngûmûruta nguo atigwe arî njaga, nîngatûma ekare ta ûrîa aaciarirwe. Nîngatûma ekare ta werû, nîngatûma ekare ta nthî nyûmû. Nîngamûraga na nyonda.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Zefania 2:7

Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Luka 21:20

“Vîndî îrîa mûkoona îtûûra rîa Jerusalemu rîthiûrûrûkîrîtue nî athigari, nîmûkaamenya atî îvinda rîarîo rîa kwomomorwa rîrî vakuvî.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.