Isaia 31:9 - ÎVUKU RÎA ÛVORO MWARO

⁹ Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 31:9 ပူးပေါင်းရင်းမြစ်များ

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 13:2

Ngai augîte atîrî, “Vandani vendera îgûrû rîa kîrîma gîtarî na mîtî, ugîrîriani mwîte athigari, na mûmavenerie na njara, nîguo matonyere kîvingo gîa îtûûra rîa andû arîa marî îgweta.

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Isaia 18:3

Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 27:7

Ngai-Mûnene ndaaverithia Aisiraeli na vinya ta ûrîa aaverithirie nthû ciao. Aisiraeli arîa maaûragîrwe mbaararî, nî anini gûkîra nthû ciao.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 37:37

Senakeribu, mûthamaki wa Asîria nîwacokire akiuma kûu, akînûka na agîtûûra Nineve.

Isaia 4:4

Mwathani nîagaatuîra andû a Zayuni na atherie mevia ma Jerusalemu na nthakame îrîa îtûrûrîtwe kuo.

Isaia 5:26

Ngai-Mûnene nîakaamenyithia vûrûri wa kûraca, na augîrie andû mûrûri kuuma mîthiia ya nthî; nao magaaûka mavinyûrîte.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Alawi 6:13

Mwaki ûcio nwanginya wîkarage ûgîakanaga vîndî cionthe îgûrû rîa metha ya kîgongoona na ndûkarekwe ûvora.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

Gûco 32:37

Vîndî îo Ngai-Mûnene nîakaaûria andû ake, ‘ngai cienyu irîa mwevokaga imûtethie irî kû?’