Isaia 31:3 - ÎVUKU RÎA ÛVORO MWARO

³ Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Isaia 31:3 ပူးပေါင်းရင်းမြစ်များ

2Maû 32:8

Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

Thaburi 118:8

Nîkava kwîthitha kûrî Ngai-Mûnene gûkîra kwiga mwîvoko kûrî mûndû.

Thaburi 33:17

Mbarathi cia mbaara itingîvotithia mûndû kûvootana, vinya wa cio mûnene ndûngîvonokia mûndû.

Thaburi 9:20

Tûma megue guoya, we Ngai-Mûnene; tûma andû a ndûrîrî mamenye atî, o nî andû.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 20:4

Ûguo nîguo mûthamaki wa Asîria akaathiî na andû arîa akaanyita marî mîgwate kuuma vûrûrirî wa Misiri na Ethiopia. Andû ethî na akûrû makaathiî marî njaga na marî magûrû matheri, matarî na thuruvarî. Ûguo nîguo Misiri îgaaconorithua.

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Isaia 30:16

Vandû va ûguo mue mwaugire atîrî, “Naarî! Tue tûkaavinyûra tûtwîte mbarathi irîa irî îvenya.” Îî nîguo, nîmûkaavinyûra na mbarathi irîa irî îvenya, nwatî arîa makaamûvinyûria makethîrwa matwîte mbarathi irî na îvenya makîria!

Isaia 30:5

onthe nîmagaaconorithua nî andû matangîmaguna, andû acio matangîmatethia kana mamaguna, tiga kûmaconorithia na kûmanyararithia.”

Isaia 30:7

Nîûndû ûtethio wa Misiri nî wa mana na ndûrî kîguni; kwoguo nîmvete Misiri rîîtwa, ‘Rahabu.’ ”

Isaia 36:6

Taroria, we wîvokete Misiri, mûthanje ûcio munîku, ûrîa ûkaamunda njara ya mûndû wa wonthe ûrîa ûgeetiira naguo. Ûguo nîguo mûthamaki wa Misiri ekariî kûrî arîa onthe mamwîvokaga.’

Isaia 36:9

We ûngîvota kwîgananua atîa wanarî na mûnene ûrîa mûnini mûno gatagatîrî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 17:5

Ngai-Mûnene arauga atîrî, “Kûgwatwa nî kîrumi nî mûndû ûrîa wîvokaga mûndû, na akevoka vinya wake wa mwîrî, na ûrîa ngoro yake îreganîte na Ngai-Mûnene.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 28:9

Nîûkaauga atî we wî ngai rîrîa ûkethîrwa ûrî mbere ya andû arîa magaûka gûkûraga? Wakinya njararî cia arîa magaaûka gûkûthiria nîûkaamenya atî we wî mûndû tu, nwatî ndûrî ngai.

Amosi 2:15

Andû arîa makuuaga moota matigetirîria, nao arîa marî îvenya mûno matikevonokia, wana arîa mathiîcaga mekarîrîte mbarathi matikavonokia mîoyo yao.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”