Isaia 31:2 - ÎVUKU RÎA ÛVORO MWARO

² Kûnarî ûguo, Ngai nî mûûgî na nîaretage mûthiro. Ûrîa augîte ndericûkagwa, na nîevarîrîtie kûverithia eki naaî, na averithie arîa matethagîrîria eki naaî.

Isaia 31:2 ပူးပေါင်းရင်းမြစ်များ

Ayubu 12:13

Nwatî ûûgî na vinya nî cia Ngai, naguo ûmenyo na kîrîra nî ciake.

Ayubu 12:16

Ke ethagîrwa arî na vinya na ûûgî, arîa maveenagua na arîa maveenanagia onthe nî ake.

Ayubu 5:13

Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 14:20

Nwatî we tîûthikwa na gîtîîo ta athamaki acio, nîûndû nîwacûkangirie vûrûri waku, na ûkîûraga andû aku. Njiarwa cia eki naaî itikaaririkanwa tene na tene.

Isaia 21:17

Andû arîa njamba maikagia mîguî a ciana cia Kendari, nî andû anini tu gatagatîrî kao magaatigara. Nie, Ngai-Mûnene, Ngai wa Isiraeli, nînie nauga ûguo.”

Isaia 22:14

Ngai-Mûnene mwene vinya wonthe nîwanguûrîrie akîmbîra atîrî, “Nama, mûtikoverwa wîvia ûyû nginya rîrîa mûgaakua.” Ûguo nîguo Ngai-Mûnene mwene vinya wonthe augîte.

Isaia 28:21

Ngai-Mûnene nîakaarûngama ta ûrîa aarûngamire arî Kîrîmarî gîa Perazimu, na arakare ta ûrîa aarakarire arî Kîamndarî gîa Gibeoni; nîageka ûndû ûtecîkene, nîakaaruta wîra wake wa kûgegania.

Isaia 28:29

Ûûgî ûyû wonthe umîte kûrî Ngai-Mûnene mwene vinya wonthe, mataaro make nî ma kûgegania, na ûûgî wake nî mwîngî mûno.

Isaia 30:3

Kwoguo ûgitîri ûcio wa mûthamaki wa Misiri nîûkaamûconorithia, nakuo kwîthitha vûrûrirî wa Misiri kûmwîguithie nthoni.

Isaia 30:7

Nîûndû ûtethio wa Misiri nî wa mana na ndûrî kîguni; kwoguo nîmvete Misiri rîîtwa, ‘Rahabu.’ ”

Isaia 31:3

Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Isaia 32:6

Nîûndû irimû ciaragia ûrimû, na meciria ma cio mavangaga maûndû macûku. Mekaga maûndû matarî ma ûngai, maragia maûndû ma gûcambia Ngai-Mûnene. Matigaga andû arîa avûtu matarî avau, na makaima arîa anyondu gîa kûnyua.

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Jeremia 10:7

Nû ûtangîgwîtigîra we mûthamaki wa mavûrûri? We nîwagîrîrwe nî gûtîewa, nîûndû gatagatîrî ka andû arîa aûgî onthe a mavûrûri, na gatagatî ka athamaki ao onthe, gûtirî wîkariî tawe.

Jeremia 36:32

Jeremia nîwacokire agîoca îvuku rîngî rîa gîkûnjo na akîrînengera Baruku ûrîa mwandîki, na akîandîka maûndû monthe marîa Jeremia aamwîraga. Nîwandîkire maûndû monthe marîa mandîkîtwe îvukuurî rîa mbere rîa gîkûnjo rîrîa Jehoiakimu mûthamaki wa Juda aavîvirie na mwaki. Ciugo ciîngî wata irîa ciarî îvukuurî rîa mbere nîciongereerwe.

Ezek 29:6

Andû onthe a Misiri nîmagaacoka mamenye atî Nie nînie Ngai-Mûnene. “Nîûndû andû a Isiraeli maaigîte mwîvoko wao kûrî we, nwatî wekariî ta kamûtî gatarî vinya.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Ndari 10:35

Îthandûkû rîa kîrîkanîro rîambîrîria kûthiî, Musa nîwaugaga atîrî, “Ngai-Mûnene ûkîra ûnyaganie nthû ciaku na ûtûme arîa makûmenete maûre!”

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Aroma 16:27

Nake Ngai ûrîa wîthagîrwa arî na ûûgî maûndûrî monthe, arotûûra agoocagwa na njîra ya Jesû Kristû tene na tene! Ameni.

Josh 23:15

Nwatî, wata ûrîa Ngai-Mûnene, Ngai wenyu aavingirie ciîranîro cionthe irîa aarûthire namue, nwaguo akaamûretithîria maûndû macûku

Juda 1:25

Ke nîke Ngai mûvonokia wetû. Na njîra ya Mwathani wetû Jesû Kristû, Ke arogîa na riiri, ûnene, ûthamaki na wathani, kuuma Kîammbîrîria, rîu na nginya tene na tene! Ameni.

1Sam 2:3

Mûtigacoke kwaria na mwîtîîo rîngî. Tigani gwîtîîaga vîndî îrîa mûkwaria, nîûndû Ngai-Mûnene nîke Ngai ûrîa wicî maûndû, atucagîra andû onthe kûringana na ciîko ciao.