Isaia 30:8 - ÎVUKU RÎA ÛVORO MWARO

⁸ Ngai nîwambîrire atîrî, “Rîu thiî wandîke ûvoro ûcio kîvengererî, na ûwandîke îvukuurî, nîguo ûtuîke ûira wa mavinda marîa magaaûka nginya tene na tene.

Isaia 30:8 ပူးပေါင်းရင်းမြစ်များ

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 34:16

Cariani na mûthome kuuma îvukuurî rîa Ngai-Mûnene, gûtirî kîûmbe wanarî kîmwe gîgaatura, wa kîmwe gîkethîrwa kîrî na mûnyanya. Nîûndû Ngai-Mûnene nîke wathanîte ûguo, na Roho wake nîke ûgaciûngania cionthe.

Isaia 8:1

Ngai-Mûnene nîwambîrire atîrî, “Oca rûvaû rûnene na wandîke îgûrû rîaruo na ndemwa nene ingîthomeka: “Tava na îvenya! Oca narua!”

Jeremia 23:20

Marakara ma Ngai-Mûnene matikathira nginya rîrîa akethîrwa ekîte na akavingia wendi wa meciria make. Mûthiiarî, nî ûgataûkîrwa nîguo waro.”

Jeremia 30:2

“Nie Ngai-Mûnene, Ngai wa Isiraeli nîrakwîra wandîke maûndû monthe marîa nakwîra îvukuurî.

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 36:4

Jeremia nîwacokire agîîta Baruku mûvîcî wa Neria na akîmwîra andîke îvukuurî rîa gîkûnjo maûndû monthe marîa Ngai-Mûnene aamwîrîte.

Jeremia 48:47

Nwatî vuvarî nîngacokeria Moabu mûnyaka wake. Ûguo nîguo Ngai-Mûnene arauga.” Rîu nîrîo îtuîro rîa vûrûri wa Moabu.

Jeremia 51:60

Nînandîkire îvukuurî maûndû macûku marîa mavatiî gûkinyîra Babuloni na maûndû mengî megiî Babuloni.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Habakuku 2:2

Nwatî Ngai-Mûnene nîwanjokerie atîrî, “Andîka kîoneki gîkî; Kîamndîke waro kîvengererî, nîguo kîthomeke waro.

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Gûco 31:19

“Rîu, andîka rwîmbo rûrû na ûrûthomithie kûrî andû onthe a Isiraeli, nîguo rwîthîrwe rûrî ûira wakwa kûrî andû a Isiraeli.

Gûco 31:22

Kwoguo Musa nîwandîkire rwîmbo mûthenya wa ûcio na akîrûthomithia andû a Isiraeli.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Gûco 4:30

Rîrîa mûkaagîa na mathîna na maûndû mama monthe mekîke kûrî mue, nîmûgaacokerera Ngai-Mûnene, Ngai wenyu na mûmwathîkîre.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

2Pet 3:3

Îgûrû rîa maûndû monthe, nwanginya mûmenye atî mîthenyarî ya kûrigîrîria, nîgûkaumîra andû amwe marî na mîkarîre yathagwa nî merirîria mao macûku. Nao nîmakaamûnyûrûria

Juda 1:18

O maamwîrire atîrî, “Vîndî îrîa mavinda ma mûthiia magaakinya, nîgûkaumîra andû makaamûnyûrûria, na marûmagîrîra merirîria mao matarî ma ûngai.”