Isaia 30:6 - ÎVUKU RÎA ÛVORO MWARO

⁶ Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Isaia 30:6 ပူးပေါင်းရင်းမြစ်များ

Kîam 12:9

Nake Aburamu nîwathiîre na mbere na rûgendo rwake erekerete Negebu.

1Atha 10:2

Aathiîre kûrî Solomoni kûu Jerusalemu marî na andû eengî mûno, ngamîîra ikuuîte mînyamû mînungi waro, tûthiga twa goro vamwe na thaavu nyîngî. Rîrîa mûndûmûka ûcio mûthamaki aakinyire kûrî Solomoni, nîwerire Solomoni maûndû monthe marîa aarî namo ngororî yake.

2Maû 16:2

Asa nîwacokire akîruta sîlûva yonthe na thaavu kuuma hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre Benihadadi, mûthamaki wa Sîria, ûrîa watûûraga Damesiki akîmwîra atîrî,

2Maû 9:1

Rîrîa mûndûmûka ûrîa warî mûthamaki wa Sheba eegwire ngumo ya mûthamaki Solomoni, nîwathiîre Jerusalemu nîguo akagerie Solomoni na ciûria nyûmû. Mûndûmûka ûcio mûthamaki wa Sheba nîwathiîre na ndungata nyîngî na ngamîîra nyîngî ikuuîte mînyamû mînungi waro, thaavu na mathiga ma goro. Rîrîa aakinyire kûrî mûthamaki Solomoni, nîwamwîrire maûndû monthe marîa maarî ngororî yake.

Ayubu 39:11

Nwa ûmîîvoke nîûndû atî îrî na vinya nyîngî, na ûmîtigîre wîra waku mûrito îkûrutîre?

Ntha 1:14

Nîmaatûmire mûtûûrîre wao ûtuîka mûmû na njîra ya kûmarutithia wîra wa mîako na wa mîgûnda matekûmeguîra ntha.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 15:7

Andû mararinga karûnjî ka Wilosi, makuuîte indo ciao cionthe irîa maagîte nacio, wana irîa meeigîrîte mûthithû.

Isaia 19:4

Nîngaanenganîra andû a Misiri kûrî mûtongoria mwaganu, na nîmakaathwa nî mûthamaki ûtarî ntha. Nie Ngai-Mûnene mwene vinya wonthe, nînie nauga ûguo.”

Isaia 35:9

Gûtirî mînyambû îkethîrwa njîrarî îo, kana nyamû wa yonthe mbaganu îvîtûkîrîra varavararî îo. Nyamû icio itikooneka varavararî îo, nwatî andû arîa akûre nîo makaavîtûkîrîra kuo.

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Isaia 57:9

Mwîvakaga manyamû manungi waro na maguta mûgacoka mûkathiî kûgooca ngai ya mûvuanano îrîa îtagwa Moleku. Mwatûmire anjaama enyu mathiî kûndû kûraca, nginya magîkinya kwa arîa akuû.

Isaia 8:22

na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Jeremia 11:4

kîrîa narûthire na methe menyu vîndî îrîa namarutire Misiri vûrûri ûrîa wekariî ta mwaki mûnene ûkîrîrîmbûka. Nînamerire mathikîrîrie mûgambo wakwa, na mekage ûrîa wonthe ngûmatha nîguo matuîke andû akwa nanie nduîke Ngai wao.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Ezek 20:46

“Mûndû, taroria na mwena wa îveti. Vecana ûvoro wîgiî mwena wa îveti, na ûrathîre ûvoro ûkîregana na andû arîa matûûraga vûrûri wa Negebu.

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 12:2

Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Mika 6:14

Mûkaarîcaga irio na mûtikaavaa, vîndî cionthe mûkethagîrwa mûrî avûtu. Mûgocaga indo na mûkîthiî nacio, nwatî mûtikaavota gûciiga. Indo irîa mûkaaigaga ngatûmaga cianangîke vîndî ya mbaara.

Zakaria 6:6

Gîkaari kîu kîgucîtue nî mbarathi icio cia rangi mwirû nîkîthiî vûrûrirî wa mwena wa rûgûrû, nakîo kîu kîgucîtue nî mbarathi cia rangi mûcerû nîkîthiî na mwena wa îthûîro. Nakîo gîkaari kîu kîgucîtue nî mbarathi cia rangi wa kîmûu nîkîthiî na mwena wa îveti.”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Ndari 21:8

Nake Ngai-Mûnene nîwerire Musa atîrî, “Rûtha njoka ya gîcango na ûmîtwîthie vandû îgûrû rîa gîtugî. Mûndû wa wonthe ûkaarûmagwa nî njoka, na wa rîmwe arorie njoka îo, akaavonaga.”

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.

Gûco 8:15

Ngai-Mûnene nwake wamûtongoririe kûu werûrî ûcio mûnene na warî na ûgwati mwîngî wa njoka irîa irî ûrogi na tûng'aurû. Vûrûri ûcio ndwarî na manjî na Ngai-Mûnene nîwatûmire manjî maume îthigarî mûnyue.