Isaia 30:4 - ÎVUKU RÎA ÛVORO MWARO

⁴ Nîûndû wana ethîrwa anene ake marî Zoani, na anjaama ake magakinya nginya Hanesi,

Isaia 30:4 ပူးပေါင်းရင်းမြစ်များ

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

Thaburi 78:12

Methe mao nîmoonire Ngai akîringa ciama, arî Zoani kûndû kûrîa kwaraganu vûrûrirî wa Misiri.

Isaia 19:11

Atongoria a îtûûra rîa Zoani nî aritu mûno; ataari a mûthamaki wa Misiri mavecanaga mataaro ma ûrimû. Mangîvota atîa kwîra mûthamaki wa Misiri, atî o nî njiarwa cia andû arîa aûgî, njiarwa cia athamaki a tene atîa?

Isaia 57:9

Mwîvakaga manyamû manungi waro na maguta mûgacoka mûkathiî kûgooca ngai ya mûvuanano îrîa îtagwa Moleku. Mwatûmire anjaama enyu mathiî kûndû kûraca, nginya magîkinya kwa arîa akuû.

Jeremia 43:7

Andû acio nîmaathiîre vûrûrirî wa Misiri, nîûndû nîmareganire na Ngai-Mûnene, na nîmaathiîre magîkinya îtûûrarî rîtagwa Tahifanihesi.

Jeremia 49:14

Nînyitîte ndûmîrîri kuuma kûrî Ngai-Mûnene. Mûnjaama nîmûtûme anîrîre kûrî mavûrûri atîrî, “Gomanani vamwe na mûregane na Edomu, thiîni mûkaûtharîkîre.

Ezek 30:14

Nîngaatûma Pathirosi kwanangîke na mbakie mwaki îtûûrarî rîa Zoani na mverithie îtûûra rîa Thebesi.

Ezek 30:18

Mûthenya ûcio, Tehafinehesi nîûkaagîa nduma rîrîa ngaaunanga ûnene wa Misiri na nthirie vinya wao ûcio metîîaga naguo. Îtu nîrîgaakunîka vûrûri wa Misiri na andû a matûûra ma kuo mavirwe îthamîriorî.

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Obadia 1:1

Gîkî nî kîoneki kîrîa Obadia aaguûrîrue nî Ngai-Mûnene kîgiî vûrûri wa Edomu. Nîtûgwatîte ndûmîrîri kuuma kûrî Ngai-Mûnene; mûnjaama nîmûtûme mavûrûrirî akauge atîrî, “Ûkîrani tûthiî tûkarûe na andû a Edomu!”

Ndari 13:22

Nîmaaunûkirie makîthiî mwena wa Negebu na magîkinya Heburoni. Kûu nîkuo meethîrîrie Ahimani, Sheshai, na Talimai njiarwa cia Anaki. (Heburoni yatumirwe mîaka mûgwanja mbere ya Zoani îrîa îrî Misiri.)