Isaia 30:1 - ÎVUKU RÎA ÛVORO MWARO

¹ Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 30:1 ပူးပေါင်းရင်းမြစ်များ

2Atha 18:21

Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

2Atha 18:24

We ûngîvota atîa kûrega mûnene ûmwe ûrîa mûnini mûno gatagatî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Thaburi 61:4

Tiga ndûûre nyombarî yaku tene na tene; nîguo ngîcage na ûgitîri nîrî rungu rwa mathagu maku!

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 1:5

Mûrathiî na mbere kûregana na Ngai nîkî, nî mûkwenda mûverithue makîria? Wî mûtivie kîongo na ngoro yaku nî nthiru vinya.

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Isaia 28:20

Nîûndû ûrîrî wenyu nî mûkuvî mûno mwîtambûrûkîtie kuo, naguo mûrengeti ûrîa mwîkunîkagîra naguo nî mûceke mûno.

Isaia 29:15

Andû arîa mathithaga Ngai-Mûnene mîvango yao kaî marî na thîna-î! Marûthagîra mîvango yao ndumarî makiugaga atîrî, “Gûtirî mûndû ûratwona, na gûtirî mûndû ûtwicî.”

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 4:5

Ngai-Mûnene nîagaacoka atûme kûgîe na matu mûthenya îgûrû rîa Kîrîma gîa Zayuni na kûrî andû arîa magomanîte vo, na ndogo vamwe na kîmûrî Kîam mwaki ûtukû. Îgûrû rîa ûguo, riiri wa Ngai nîûgaakunîka na ûgitîre îtûûra rîonthe.

Isaia 5:18

Kaî marî na thîna-î! Arîa mekaraga makururîtie mevia, arîa maguucagia mevia na mîkanda ta mûkokoteni.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Isaia 8:11

Ngai-Mûnene nîwangaanirie na vinya ndikarûmîrîre njîra cia andû aya. Aambîrire atîrî,

Isaia 8:12

“Ndûkanyitanîre na mîvango yao, na ndûgetigîre maûndû marîa maretigîra, kana wîgua guoya.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 17:5

Ngai-Mûnene arauga atîrî, “Kûgwatwa nî kîrumi nî mûndû ûrîa wîvokaga mûndû, na akevoka vinya wake wa mwîrî, na ûrîa ngoro yake îreganîte na Ngai-Mûnene.

Jeremia 2:18

Nîûgîa na umithio ûrîkû wathiî Misiri kûnyua manjî ma rûnjî rwa Nilo? Kana nî ûgîa na umithio ûrîkû wathiî Asîria, kûnyua manjî ma Rûnjî ma Efarati?

Jeremia 37:7

“Ngai-Mûnene Ngai wa Isiraeli augîte atî: nîûkera mûthamaki wa Juda ûrîa wagûtûmire ûmvoye vandûrî vake, athigari a mûthamaki wa Misiri arîa maûkîte gûgûtethia marî vakuvî gûcoka vûrûrirî wao.

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Jeremia 42:19

Jeremia nîwathiîre na mbere kwîra andû atîrî, “Mue andû a Juda arîa mwatigarire, Ngai-Mûnene aramwîra mûtikathiî Misiri. Menyani atî ûmûnthî nînamûkania

Jeremia 5:23

Nwatî andû aya nî aremi na marî ngoro nyûmû, nîmagarûrûkîte na makandiganîria.

Ezek 11:2

Ngai-Mûnene nîwambîrire atîrî, “Mûndû, aya nîo andû arîa mavangaga maûndû macûku na mavecanaga kîrîra gîcûku îtûûrarî rîîrî.

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 24:3

Arîria andû acio akwa aremi na ngerekano ûmeere nie Ngai-Mûnene nîrauga atî; Igîrîra thuvuria îgûrû rîa riiko rîrî na mwaki na ûmîcûrie manjî.

Ezek 29:16

Andû a Isiraeli matigaacoka kwiga mwîvoko wao kûrî vûrûri wa Misiri. Nîmakaamenya mavîtia mao ma kûvoya ûtethio kûrî andû a Misiri. Nao Aisiraeli nîmakaamenya atî Nie nînie Ngai-Mûnene Ngai.”

Ezek 3:9

Nîngatûma ûthiû waku ûme ta îthiga rîrîa rîûmû mûno. Ndûgetigîre kana ûmakue nîo nîûndû nî andû aremi.”

Hosea 11:6

Mbaara nîgecûra matûûrarî mao, nîngaunanga mîkîgo ya mîrango yao, na îmacûkangie marî kwao kûrîa kûgitîre.

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

Hosea 7:13

O nîanyite nî kîrumi nîûndû nîmandiganîrîtie! Nîmagûcûkangua nîûndû nîmareganîte nanie! nîmendaga kûmakûûra, nwatî o maaragia maveeni îgûrû rîakwa.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Ndari 32:14

Namue rûciaro rwa evia, nîmûkinyîte varîa methe menyu maarî, mûgatûma marakara ma Ngai-Mûnene kûrî Aisiraeli mongerereke!

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Josh 9:14

Nao atongoria a Isiraeli nîmaamûkîre irio imwe kuuma kûrî andû a Gibeoni. Andû a Isiraeli nîmeetîkîre kûrûtha kîrîkanîro mbere ya gûtuîria ûvoro wakîo kuuma kûrî Ngai-Mûnene.