Isaia 3:17 - ÎVUKU RÎA ÛVORO MWARO

¹⁷ Kwoguo, nie Ngai-Mûnene nîngaamaverithia; aka acio a Zayuni nîngaamenja njuîrî cia ciongo ciao, na nîmarute nguo matigwe marî njaga.”

Isaia 3:17 ပူးပေါင်းရင်းမြစ်များ

Rwîmbo rwa Nyîmbo 3:11

Aka a Zayuni, ûkani mwone mûthamaki Solomoni. Ke ekîrîte nthûmbî îrîa ng'ina aamwîkîrire kîongorî gîake, mûthenya ûrîa aavikanagia, mûthenya ûrîa ecûrîtwe nî gîkeno.

Isaia 20:4

Ûguo nîguo mûthamaki wa Asîria akaathiî na andû arîa akaanyita marî mîgwate kuuma vûrûrirî wa Misiri na Ethiopia. Andû ethî na akûrû makaathiî marî njaga na marî magûrû matheri, matarî na thuruvarî. Ûguo nîguo Misiri îgaaconorithua.

Isaia 3:16

Ngai-Mûnene augîte atîrî, “Aka a Zayuni marî mwîtîîo, mathiîcaga maûkîrîrîtie ciongo makîîroraroragia, makinyûkagia na mwîcaaro, makîgambagia njang'iri magûrû.

Isaia 3:18

Mûthenya ûcio Mwathani nîagaacuna aka a Jerusalemu indo irîa megemagia nacio: njang'iri, indo cia kûgemia ciongo, mîkathî,

Jeremia 13:22

Na ûngîyûria na ngoro atîrî, “Maûndû mama marekîka nîkî, kûrî nie?” Nîûndû wa ûrîa mevia maku mengîvîte, nîkîo gîtûmîte ûkûnjûa nguo, na ûkamenyanwa nawe kîîmwîrî na vinya.

Alawi 21:20

kana mûndû ûrî na îguku mûrukuthu kana mûndû mûkuvî mûno, mûndû mûrwaru metho kana ûrî na mûrimû wa ngothi, kana mûndû mûkarambe.

Mika 1:11

Mue andû a Shafiri, umagarani mûrî njaga na mûconokete, atûûri a Zaanani mûtikaume nja ya îtûûra rîenyu. Andû a Bethezeli nîmararîra, matirî na kûndû gwa kûûrîra.

Nahumu 3:5

Ngai-Mûnene mwene vinya wonthe arauga atîrî, “Nîngûkûverithia we Nineve! Nîngûkûruta nguo wîthîrwe wî njaga, na ndûme andû a mavûrûri moone njaga yaku, na mothamaki moone gîconoko gîaku.

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.

Kûguû 16:2

Kwoguo mûraika wa mbere nîwathiîre na agîtûrûra kîrîa Kîamrî mbakûrirî yake kûu nthî. Nao andû arîa maarî na rûûri rwa nyamû na arîa magoocete mûviano wayo, nîmaagîre na ironda njûku na ciarî na ûrûrû mîîrîrî yao.