Isaia 3:10 - ÎVUKU RÎA ÛVORO MWARO

¹⁰ Andû arîa athingu nîmagaakena, nîmakaarîa matunda ma maûndû marîa mekîte.

Isaia 3:10 ပူးပေါင်းရင်းမြစ်များ

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Ntha 1:20

Kwoguo Ngai nîwekire aka acio mateethagîrîria arîa engî gûciara maûndû maro, nao andû a Isiraeli nîmaathiîre na mbere kwongereraka na kûgîa vinya.

Nthi 10:6

Andû arîa athingu nîmarathimagwa, nwatî ciugo cia andû arîa aganu ithithagîrîra waganu.

Nthi 12:14

Mûndû avecagwa kîveo kûringana na ûrîa aragia; na mûndû anyitaga kîrîa kîmwagîrîrîte kuumana na wîra wa njara ciake.

Nthi 13:21

Mathîna marûmanagîrîra na mwîvia kûndû kuonthe, nwatî andû arîa athingu nîmakaarîvwa na maûndû maro.

Nthi 18:21

Maûndû marîa mûndû aragia nwa matûme akue kana atûûre mwoyo; kwoguo andû arîa mendete kwaria nîmonaga maciaro ma mîario yao.

Mûvunjia 8:12

Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Jeremia 15:11

We Ngai-Mûnene, ethîrwa ndianagûtungatîra ûrîa kwagîrîrîte kana ngûthaitha vandûrî va nthû ciakwa rîrîa maarî na thîna na ruuo, nîronyitwa nî irumi ciao.

Jeremia 21:14

Nîngamûverithia kûringana na ciîko cienyu, nîngagwatia mûtitû wenyu mwaki, na ûvîvie kîndû kîonthe kîrîa kîûthiûrûrûkîrîtie. Ûguo nîguo nie Ngai-Mûnene nîrauga.”

Jeremia 22:15

Ûreciria we wî mûthamaki nîguo ûcindane na gûtuma nyomba na mîtarakwe? Aguo nîwarîre na akînyua, na akîonania kîvooto na ûthingu, na maûndû make maarî maro.

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Mika 7:13

Nwatî nthî nî îgaatuîka werû, nîûndû wa waganu wa andû arîa matûûraga kuo.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Luka 19:19

Nake mûnene ûcio nîwamîrire atîrî, ‘Rîu ûkaathanaga matûûrarî matano.’

Gûco 12:25

Mûtikarîe nthakame nîguo maûndû menyu na ma njiarwa cienyu makaavua nîûndû mûkeethîrwa mûvingîtie ûrîa Ngai-Mûnene endaga.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.