Isaia 27:3 - ÎVUKU RÎA ÛVORO MWARO

³ “Nie Ngai-Mûnene, nînie nîûmenyagîrîra, na ngawîtîrîria manjî vîndî cionthe. Nîûrangagîra ûtukû na mûthenya, nîguo ndûgacûkangue nî mûndû wa wonthe.

Isaia 27:3 ပူးပေါင်းရင်းမြစ်များ

Kîam 6:17

Nie nîngûtûma nthî yonthe îcûre manjî mathirie indo cionthe irîa itûûraga gûkû nthî.

Kîam 9:9

“Rîu nie nîngûrûtha kîrîkanîro wa vamwe na njiarwa cienyu,

1Atha 8:59

Ngai-Mûnene, Ngai wetû aroririkanaga vîndî cionthe ivoya rîîrî na mathaithana mama namûthaitha namo, nîguo amenyagîrîre ndungata yake vamwe na andû ake a Isiraeli, kûringana na mavataro mao ma wa mûthenya.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:5

Ngai arî îtûûrarî rîu, na rîtigaacûkangua; Ngai nîagaaûka macangîa kûrîva ûtethio.

Isaia 31:5

Wata ûrîa gîconi kîreraga îgûrû rîa kîomba gîa kîo, nwaguo Ngai-Mûnene mwene vinya wonthe akaagitîra îtûûra rîa Jerusalemu; nîakaarîgitîra na arîkûûre, arîmenyerere na arîvonokie.

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Isaia 46:9

Ririkanani maûndû marîa meekirwe tene; nîûndû Nie nînie Ngai na gûtirî wîngî, nie nînie Ngai na gûtirî wîngî tanie.

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 58:11

Nie Ngai-Mûnene ngaamûtongoragia vîndî cionthe, na nîmûvingagîrie mavata menyu vîndî ya thîna. Ngaamwigaga mûrî na vinya na ûgima mwaro. Mûkaavana ta mûgûnda wî mwîtîrîrie manjî, ta kîthima Kîam manjî kîrîa gîtavûcaga.

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Ezek 34:11

“Nie Ngai-Mûnene Ngai nîrauga atî, nie mwene nîngaacaria ng'ondu ciakwa na nîimenyerere.

Ezek 34:24

Nanie Ngai-Mûnene nîngaatuîka Ngai wacio, na ndungata yakwa Daudi nîagaatuîka mûnene wacio. Nie Ngai-Mûnene nînie mbugîte ûguo.

Ezek 37:14

Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Ezek 37:28

Nacio ndûrîrî nîikaamenya atî, nie Ngai-Mûnene nînyamûrîte andû a Isiraeli matuîke andû akwa na atî hekarû yakwa îkethagîrwa îrî gatagatîrî kao tene na tene.”

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.