Isaia 26:9 - ÎVUKU RÎA ÛVORO MWARO

⁹ Ngoro yakwa nîîkwîriragîria ûtukû; nie nîngûcaragia na kinyi. Nîûndû rîrîa ûgaatuîra nthî, andû onthe a nthî nîmakaamenya gwîka maûndû ma ûthingu.

Isaia 26:9 ပူးပေါင်းရင်းမြစ်များ

1Maû 16:14

Ngai-Mûnene nîke Ngai wetû, maathani make mecûrîte nthî yonthe.

Thaburi 105:7

Ke nîke Ngai-Mûnene Ngai wetû; matuîro make ma ciira marî nthî yonthe.

Thaburi 119:55

We Ngai-Mûnene, nîngûririkanaga ûtukû, na ngathîkîra watho waku.

Thaburi 119:62

Mbûkagîra ûtukû gatagatî nîguo ngûkumie, nîûndû wa matuîro maku ma ciira ma ûthingu.

Thaburi 130:6

Mbetagîrîra Ngai-Mûnene gûkîra ûrîa arangîri metagîrîra gûkîe, gûkîra ûrîa arangîri metagîrîra gûkîe.

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Thaburi 63:1

We Ngai, nîwe Ngai wakwa, na nîrakwîrirîria na ngoro yakwa. Mwîrî wakwa wonthe nîûrakwîrirîria ta mûndû mûnyondu; ngûnyondete ta nthî nyûmû îtarî na manjî.

Thaburi 63:5

Nîmbîganîrîte ta ûrîa mûndû arîte irio mbaro, na nîngaakwinîra nyîmbo cia gûgûkumia ngenete.

Thaburi 64:9

Andû onthe nîmagetigîra; nîmakerana maûndû marîa Ngai ekîte, na mecirie ûvoro wîgiî ciîko ciake.

Thaburi 78:34

Vîndî îrîa Ngai aûraga andû amwe, acio engî nîmaamûcokagîrîra; nîmeriraga na makamûvoya na kinyi.

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Nthi 8:17

Nîmendete arîa mamendete, na arîa manjaragia na kinyi nîmamonaga.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 55:6

Cariani Ngai-Mûnene vîndî îrîa angîoneka, mwîteni vîndî îrîa arî vakuvî.

Maca 2:19

Ramûka ûkaîre Ngai-Mûnene ûtukû! Rara ûgîkaîra Ngai-Mûnene! Mûvoe nîûndû wa ciana cienyu, irîa irakua nî yûra irî njîrarî.

Maca 3:25

Ngai-Mûnene nî mwaro kûrî arîa mamwîvokete, na kûrî arîa onthe mamûcaragia.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Maariko 1:35

Kîraûko macangîa Jesû aramûka, nîwaumire nyomba na akîthiî kûndû gûtaarî na andû kûvoya Ngai.

Luka 6:12

Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.