Isaia 26:5 - ÎVUKU RÎA ÛVORO MWARO

⁵ Nîûndû nîagwîthîtie arîa metûûgagîria, nîomomorete îtûûra rîrîa rîrî vinya na akarîvaragania mûtheturî.

Isaia 26:5 ပူးပေါင်းရင်းမြစ်များ

Thaburi 79:8

Ndûgatûverithie nîûndû wa mevia ma methe metû. Twîguîre ntha rîu, nîûndû tûrî athiru mwîvoko viû.

Isaia 13:11

Ngai-Mûnene arauga atîrî, “Nîngaaverithia nthî nîûndû wa waganu wayo, na mverithie andû arîa aganu nîûndû wa mevia mao. Nîngaathiria mwîtîîo wa andû arîa eyambî, na nthirie mwîcaaro wa andû arîa matarî ntha.

Isaia 14:13

Weîrire na ngoro atîrî, ‘Nîngunûkia nginya îgûrû; nîngaaiga gîtî gîakwa Kîam ûthamaki îgûrû rîa njata, nîngekara îgûrû rîa kîrîma kûrîa ngai cia mîvuanano icemanagia, kûndû kûraca mwena wa rûgûrû.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 24:10

Îtûûrarî gûtirî na thayû na nîgûcûkangie, nyomba cionthe nî mvinge nîguo gûtigatonye mûndû.

Isaia 25:2

Nîûtûmîte îtûûra rîtuîke kîrûndo Kîam mathiga, ûgatûma îtûûra ririgîre rîtuîke îganjo. Nyomba ya ûnene ya andû a ndûrîrî nî nyomomore, na ndîgaatumwa rîngî tene na tene.

Isaia 32:19

Naguo mûtitû nîûkaathirua viû, narîo îtûûra rîcûkangue viû.

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Jeremia 51:37

Vûrûri wa Babuloni nîûtuîka maganjo; ûgaatuîka kûndû gwa gûtûûrwa nî mbwe, nîgûtuîka kîmako na kûndû gwa kûnyararûa, kûndû gûtatûûragwa nî andû.

Jeremia 51:64

na uge atîrî, ‘Ûguo nîguo vûrûri wa Babuloni ûkaavorokera na ndûgaacoka kuumîra rîngî nîûndû wa mûthiro ûrîa nie Ngai-Mûnene ngûûretera.’ ” Ûyû nîguo mûthiia wa ciugo cia Jeremia.

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Ezek 26:11

Mavûngû ma mbarathi cia mûthamaki Nebukadinezarû nîmagaakinyanga tûcîrarî tuonthe twa îtûûra. Nîakaaûraga andû aku onthe na rûviû rwa njûra, na itugî cia rîo irîa irî vinya aigwîthie nthî.

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.