Isaia 26:20 - ÎVUKU RÎA ÛVORO MWARO

²⁰ Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Isaia 26:20 ပူးပေါင်းရင်းမြစ်များ

Kîam 7:1

Ngai-Mûnene nîwerire Nuhu atîrî, “Tonya thabinarî mûrî na andû aku onthe. Nie nîmonete atî we ûrî mûndû mûthingu gûkû nthî yonthe.

Kîam 7:16

wata ûrîa Ngai aathanîte. Ngai-Mûnene nîwavingire mîrango ya thabina Nuhu atonya.

Ayubu 14:13

“Wana nîkava ûngîanthithire kwa arîa akuû, nîkava ûngîanthithire nginya marakara maku mathire, ûnthithe nginya marakara maku mathire, narîo îvinda rîrîa ûtuîte rîathira ûndirikane.

Thaburi 143:9

We Ngai-Mûnene, ndethûra kuuma kûrî nthû ciakwa; nîûndû mbûrîrîte kûrî we nîguo ûngitîre.

Thaburi 17:8

Ngitîra ta ndongu ya riitho, ûnthithe rungu rwa mathagu maku,

Thaburi 27:5

Vîndî ya thîna nîakaangitîra, nîakaanthitha hekarûrî yake, na ambigage îgûrû vandû vagitîre.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 31:20

Nîûmathithaga varîa we ûrî, kûraca kuuma kûrî mîvango mîcûku ya andû, nîûmaigaga vandû ûmagitîrîte, kuuma kûrî irumi cia nthû ciao.

Thaburi 32:7

Nîîthithaga kûrî we, ûkaangitagîra ndikanyitwe nî thîna. Nîngûkwinîra nîûndû wa kûmvonokia.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Thaburi 57:2

Ngayagîra Ngai ûrîa ûrî Îgûrû Mûno, Ngai ûrîa ûmvecaga kîrîa kîonthe mvataraga.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Thaburi 91:4

Ngai nîagaagûkunîkîra na mathagu make; na ûkethagîrwa ûrî mûgitîre ûrî varî ke; wîvokeku wake ûgaakûgitagîra na ûgakûrûîrîra.

Thaburi 94:13

Nîûtûmaga agîe na ûvoreri vîndî ya thîna, nginya rîrîa ûkaaverithia andû arîa aganu.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Nthi 22:3

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîyo.

Isaia 10:25

Nîûndû vuva wa kavinda kanini marakara makwa nîmakaathira na nîngaacûkangia andû a Asîria nîrî na mang'ûrîka.

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 13:5

Maûkîte maumîte mavûrûri ma kûraca, maumîte mîthiia yonthe ya nthî. Ngai-Mûnene arî na marakara akuuîte indo ciake cia mbaara, nîguo acûkangie nthî yonthe nîûndû wa marakara make.

Isaia 34:2

Nîûndû Ngai-Mûnene nî mûrakaru nî mavûrûri monthe, arî na mang'ûrîka nîûndû wa athigari ao onthe a mbaara. Nîavangîte kûmathiria viû, akamarekereria maûragwe.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Jeremia 31:14

Nîngaavaithia athînjîri-Ngai na indo mbaro, na mvingîrie andû akwa maavata mao monthe. Ûguo nîguo nie Ngai-Mûnene nauga.”

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Ezek 11:16

“Kwoguo îra andû arîa marî îthamîriorî atî nie Ngai-Mûnene, nînie naamavirire kûndû kûraca na ngîmanyaganîria mavûrûrirî mengî. Kûnarî ûguo, kavindarî gaka nîmbîthîrwa nîrî nao mavûrûrirî monthe kûrîa maathiîre.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.