Isaia 25:2 - ÎVUKU RÎA ÛVORO MWARO

² Nîûtûmîte îtûûra rîtuîke kîrûndo Kîam mathiga, ûgatûma îtûûra ririgîre rîtuîke îganjo. Nyomba ya ûnene ya andû a ndûrîrî nî nyomomore, na ndîgaatumwa rîngî tene na tene.

Isaia 25:2 ပူးပေါင်းရင်းမြစ်များ

Ayubu 12:14

Ngai angîomomora kûndû, gûtirî mûndû ûngîtuma rîngî; angîvingîra mûndû, gûtirî mûndû ûngîmûvingûrîra.

Isaia 13:20

Îtûûra rîu rîtigacoka gûtûûrwa nî andû, kana rîkarwa nî njiarwa tene na tene. Gûtirî Mûarabu ûkaamba îgema rîake kuo, na gûtirî mûrîthi ûkaarîthia ndîthia yake kuo.

Isaia 13:21

Vandû va ûguo, gûgaatûûrwa nî nyamû cia kîthaka, na nîkuo irwîgî igaatumaga ciomba ciacio. Nyaga nîcio igekaraga kuo, na mbûri cia kîthaka irûgarûgage kuo.

Isaia 13:22

Mviti nîikaarîraga irî nyombarî ndaca na îgûrû, nacio ciathi igambage irî nyombarî irîa ciarî ciao athamaki. Îvinda rîa Babuloni rîrî vakuvî! Mîthenya yarîo îrî vakuvî kûthira.”

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Isaia 17:1

Îno nî ndûmîrîri ya Ngai-Mûnene îgiî Damesiki. “Damesiki ndîgaatuîka îtûûra rîngî; îgaatuîka îganjo.

Isaia 17:3

Matûûra marîa magitîre ma Efiraimu nîmagaacûkangua, naguo ûthamaki wa Damesiki ûthire. Nao andû a Sîria arîa magaatigara marî mwoyo makaagîa na gîconoko ta andû a Isiraeli; nie Ngai-Mûnene mwene vinya wonthe nînie nauga ûguo.”

Isaia 21:9

Taroria maûkîte matwîte mbarathi, na marî aîrî kwa aîrî. Mûrangîri ûcio nîwacokire akiuga atîrî, “Babuloni nîngwîu! Mîvuanano yonthe ya ngai ciakuo nîmiunange na îkagwîthua nthî.”

Isaia 23:11

Ngai-Mûnene nîatambarûkîtie njara yake îgûrû rîa îria, na akainainia mothamaki; nîarutîte watho atî kûrîa kuonthe kûgitîre Kanaani gûcûkangue.

Isaia 23:13

Akalidei nîo maarekererie nyamû cia kîthaka itharîkîre îtûûra rîa Turo nwatî tî Asîria. Akalidei maatumire nyomba ndaca na îgûrû ithiûrûrûkîrîtie îtûûra rîu, makîomomora nyomba cia kuo na magîtiga îtûûra rîu rîrî îganjo.

Isaia 24:10

Îtûûrarî gûtirî na thayû na nîgûcûkangie, nyomba cionthe nî mvinge nîguo gûtigatonye mûndû.

Isaia 25:12

Nîakomomora îtûûra rîrîa rîgitîre rîa Moabu na nthingo ndaca ciarîo na aigwîthie nthî.

Isaia 26:5

Nîûndû nîagwîthîtie arîa metûûgagîria, nîomomorete îtûûra rîrîa rîrî vinya na akarîvaragania mûtheturî.

Isaia 27:10

Nîûndû îtûûra rîrîa ririgîre rîtigîtwe rîrî rîonga, rîtiganîrîtue na rîkathamwa ta werû. Kûu nîkuo ng'ombe irîthagua na ikamama wa kuo.

Isaia 32:14

Nîûndû nyomba ya mûthamaki nîkaathamwa, na îtûûra rîrî îgweta ûguo rîtiganîrue. Irîma na nyomba ndaca na îgûrû cia arangîri igaatuîka maganjo tene na tene, nyûmbû nîigaakenaga irî kuo, na ng'ondu irîcage kuo.

Isaia 32:19

Naguo mûtitû nîûkaathirua viû, narîo îtûûra rîcûkangue viû.

Isaia 34:13

Mîgua nîkaamera kûndû kwao kûrîa kûgitîre, ria na mîgua nîgaakûra kûndû kûrîa kûrî na nthingo cia vinya. Kûu nîkuo gûgatûûraga ciathi na nyaga.

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Jeremia 51:26

Gûtirî îthiga wana rîmwe rîaku rîgacoka gûtuma rîngî, gûtirî îthiga rîgoocwa rîtume mûcingi! Nwatî ûgatûûra ûrî werû tene na tene. Ûguo nîguo Ngai-Mûnene arauga.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Gûco 13:16

Mûkaaûngania indo cionthe cia andû a îtûûra rîu na mûivire kîvarorî gîa îtûûra na mûvîvie îtûûra rîu vamwe na indo cionthe rîrî îtega rîa kûvîvua kûrî Ngai-Mûnene Ngai wenyu. Îtûûra rîu rîgaatûûra rîrî rîomomoku na rîtigaatumwa rîngî.

Kûguû 18:19

Nao nîmaaminjîrie ciongo ciao rûkûngû, na nîmaarîrire marî na kîeva makiugaga atîrî, “Uui, Uui! Îtûûra rîrîa rînene kûrîa andû onthe arîa marî meri maatongerete! Na kavinda ka îthaa rîmwe nîrîaûrwa nî indo cionthe!”