Isaia 24:7 - ÎVUKU RÎA ÛVORO MWARO

⁷ Mîthavibu nîravova, nayo ndivei îkathira. Arîa onthe marakenaga rîu marî na kîeva.

Isaia 24:7 ပူးပေါင်းရင်းမြစ်များ

Isaia 16:10

Gûtirî gûkena na gûcanjamûka mûgûndarî ûrîa ûraciaraga mûno. Gûtirî nyîmbo cinagwa mîgûndarî ya mîthavibu. Gûtirî mûndû ûvivagîra ndivei kîvivîrorî, na ngemi nî nthiru.

Isaia 16:8

Mîgûnda ya Heshiboni na mîthavibu ya Sibuma nî mîcûkangie; ndivei ya thavibu cia mîgûnda îo nîyo yatûmaga athani a mavûrûri marîwe. Mvûa cia mîtî îo ciakinyîte Jazeri, na îgatamba nginya werûrî, na matheûka mayo magakinya mûringo wa Îria rîa Cumbî.

Jeremia 7:34

Na kûu matûûrarî ma Juda na tûcîrarî twa Jerusalemu nîngatûma gûtikegue mûgambo wa kûthekania na wa gîkeno, mûgambo wa mûviki na mûvikania, nîûndû vûrûri wonthe ûgatwîka îganjo.”

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”