Isaia 24:6 - ÎVUKU RÎA ÛVORO MWARO

⁶ Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Isaia 24:6 ပူးပေါင်းရင်းမြစ်များ

2Atha 24:12

Jehoiakini, mûthamaki wa Juda, ng'ina, anake ake, athigari ake, wana ndungata cia nyomba yake nîmerekererie kûrî mûthamaki wa Babuloni. Jehoiakini aanyitirwe mûgwate mwakarî wa kanana (8) Nebukadinezarû arî mûthamaki wa Babuloni.

2Atha 25:12

Nwatî nîwatigire andû amwe arîa maarî athîni mûno kûu Juda nîguo mamenyagîrîre mîthabivû na marutage wîra mîgûndarî.

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 34:5

Nîûndû rûviû rwa Ngai nî rûvarîrîrie îgûrû, taroriani, rûranyûrûrûka rûthiîte kûverithia Edomu, andû arîa avangîte kûthiria.

Isaia 43:28

Kwoguo nînaagwatirie atongoria a varîa vatheru mûgiro. Nînarekererie Isiraeli macûkangue viû; na ngîtîkîria andû akwa marumwe.”

Isaia 5:24

Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 5:14

Ngai-Mûnene mwene vinya wonthe arauga atîrî, “Nîûndû nîmarîtie maûndû mau, rîu nîngûtûma ciugo ciakwa ciîkare ta mwaki kanyuarî gaku, na andû matuîke ta ngû, naguo mwaki ûmavîvie.”

Ezek 5:3

Nîûgaacoka woce tûcuîrî tûnini na ûtwoverere mûthiiarî wa nguo yaku.

Alawi 26:22

Nîngaarekereria nyamû njûku ciûke kûrî mue nîguo ciûrage ciana cienyu, ciûrage nyamû irîa mûrîthagia na mûtigare andû anini mûno, na njîra cienyu iture andû a kûthiîra.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Malaki 3:9

Mûrî arume, nîûndû mue na vûrûri wonthe mwîthîrîtwe mûkînjuna indo icio na vinya.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Malaki 4:6

Nake mûrathi Elija nîagaacokanîrîria aciari na ciana ciao; na ethîrwa tî guo, nîngaûka na njûkangie vûrûri wenyu.”

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Mathaayo 7:14

Nwatî mûromo wa gûtonya mwoyorî nî mûceke, na njîra îrîa yerekagîria andû kuo nî njeke na andû arîa mamîonaga nî anini.

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,

Gûco 28:62

Wana ethîrwa mwîngîvîte ta njata cia îgûrû mûgaatigara andû anini, nîûndû nîmwaregire kwathîkîra Ngai-Mûnene Ngai wenyu.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.