Isaia 24:4 - ÎVUKU RÎA ÛVORO MWARO

⁴ Nthî nîîkwara indo cionthe ciûme; mavûrûri ma nthî nîmaratangîka na makathirwa nî vinya; îgûrû na nthî nî ithirîte vinya.

Isaia 24:4 ပူးပေါင်းရင်းမြစ်များ

Isaia 24:21

Mûthenya ûcio Ngai-Mûnene nîakaaverithia ciûmbe, ciûmbe cia îgûrû ikaaverithîrua kûu îgûrû, na athamaki a nthî maverithîrue gûkû nthî.

Isaia 24:3

Nthî nîgaacûkangua yanangîke viû; nîûndû Ngai-Mûnene nîaugîte guo.

Isaia 28:1

Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 4:28

Kwoguo nthî nîgacakaya; nakuo îgûrû kûgîe nduma, nîûndû ûguo nîguo mbugîte na ngatua; ndingîricûkwa kana ngarûrûka.

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Joeli 1:10

Mîgûnda îtigîtwe îtarî kîndû, nthî nîîracakaya nîûndû ngano nînjûkangie, ndivei nî nthiru na maguta magatura.