Isaia 24:16 - ÎVUKU RÎA ÛVORO MWARO

¹⁶ Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Isaia 24:16 ပူးပေါင်းရင်းမြစ်များ

Thaburi 106:15

Nîwamavere kîrîa meetirie, nwatî nîwatûmire manyitwa nî mûrimû mûcûku.

Thaburi 119:158

Rîrîa naroria acukanîrîri, nî ndakaraga mûno, nîûndû matiathîkagîra maathani maku.

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Thaburi 58:10

Andû arîa athingu nîmagaakena mona arîa evia makîverithua; makethambia magûrû na nthakame ya andû arîa aganu.

Thaburi 65:8

Nthî yonthe nîmamakîtue nî maûndû marîa wîkîte. Nîûtûmaga kûgîe na gîkeno kûndû kuonthe, kuuma mûthiia ûmwe wa nthî nginya ûrîa wîngî.

Thaburi 67:7

Ngai nîatûrathimîte; andû onthe a nthî nîmamûgooce.

Thaburi 98:3

Nîendete andû a Isiraeli na arî mwîvokeku kûrî o. Andû onthe a nthî nîmonete ûvootani wa Ngai wetû.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 11:12

Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.

Isaia 17:4

“Mûthenya nîûgaakinya, rîrîa riiri wa Isiraeli ûkaanyivanyivua, na ûtonga wa kuo ûthire.

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Isaia 26:15

Nwatî we Ngai-Mûnene nîûtûmîte rûrîrî rwetû rûkûre, nîwaramîtie mîvaka yonthe ya vûrûri wetû, kwoguo we nîûtîîtwe.

Isaia 28:5

Mûthenya ûcio, Ngai-Mûnene mwene vinya wonthe nîke ûkethîrwa arî nthûmbî ya riiri, na arî nthûmbî ya ûthaka kûrî andû ake arîa magaatigara marî mwoyo.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 42:10

Inîrani Ngai-Mûnene rwîmbo rûcerû, nthî yonthe nîîmwinîre nyîmbo cia kûmûkumia! Îria na nyamû cionthe irîa itûûraga kuo, icîgîrîra na ndeererî cia îria na andû arîa matûûraga kuo!

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 12:6

Nîûndû wana aa mûrwanyûkwe na andû a mûciî wenyu, nîmagwîkîte maûndû macûku, maragûtetia matagwîtigîra. Ndûkametîkie wanarî vanini, wana ethîrwa nîmarakwarîria ciugo mbaro mûno.”

Jeremia 3:20

Nama, wata ûrîa mûndûmûka ûtarî mwîvokeku atigaga mûthuuri wake, ûguo nwa guo mwîthîrîtwe mûtarî evokeku kûrî nie mue andû a Isiraeli. Ûguo nîguo Ngai-Mûnene arauga.”

Jeremia 5:11

Nîûndû andû a Isiraeli na andû a Juda, methîrîtwe matarî evokeku kûrî nie wanarî vanini. Ûguo nîguo Ngai-Mûnene arauga.”

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Hosea 5:7

Nîmatigîte gûtuîka evokeku kûrî Ngai-Mûnene, nîmagîte na ciana îtarî cia ma. Mweri mûcerû nîûkamacûkangia vamwe na mîgûnda yao.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.

Alawi 26:39

Andû enyu anini arîa magaatigara nî makoorera mavûrûrirî ma nthû cienyu nîûndû wa mevia mao na mevia ma methe mao.

Mika 5:4

Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Habakuku 1:3

Ûratûma mone maûndû mama macûku na thîna nîkî? Gûcûkangua na mbaara irî mbere yakwa; ngucanio na mbaara nîciambîrîrîtie.

Maariko 13:27

Nake nîagaacoka atûme araika mathiî nthî yonthe makaûnganie andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!