Isaia 24:11 - ÎVUKU RÎA ÛVORO MWARO

¹¹ Kûrî na kîrîro na kûu njîrarî nîûndû wa gûtura ndivei; gîkeno kîonthe nî kîthiru; nthî ndîrî na gîkeno.

Isaia 24:11 ပူးပေါင်းရင်းမြစ်များ

Thaburi 144:14

Ng'ombe cietû irociara njaû nyîngî, itikarege kûgîa mavu kana ivuna. Gûtikagîe kîeva kana kîrîro icagirî cietû.

Nthi 31:6

Njovi ndûrû îkundagua andû arîa marî vakuvî gûkua, nayo ndivei îkundagua andû arîa mecûrîtwe nî kîeva.

Isaia 16:10

Gûtirî gûkena na gûcanjamûka mûgûndarî ûrîa ûraciaraga mûno. Gûtirî nyîmbo cinagwa mîgûndarî ya mîthavibu. Gûtirî mûndû ûvivagîra ndivei kîvivîrorî, na ngemi nî nthiru.

Isaia 32:10

Kwa îvinda ta rîa mwaka ûmwe, mue mwîganîrîte ûguo nîmûgaatetema, nîûndû mûtigaketha kîndû, na maketha ma thavibu matikoneka.

Isaia 32:13

nîûndû wa vûrûri wa andû akwa nîûramera mîgua na nthaugû, mûrîrîre nyomba cionthe irîa ciecûrîtwe nî gîkeno, na ciarî îtûûrarî rîrî na gîkeno.

Isaia 8:22

na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Jeremia 14:2

“Juda nîîracakaya, matûûra ma Juda mamamîte nthî magîcakaya, andû akuo maracakaya maturîtie maru mao, andû a Jerusalemu nî mararîra makîenda ûtethio.

Jeremia 46:12

Mavûrûri nîmeguîte gîconoko kîenyu, na nthî îcûrîtwe nî kîrîro kîenyu; nîûndû athigari njamba maravîngîcana o ene kwa ene; onthe vamwe nîagwîu.

Jeremia 48:33

Vûrûri mûnoru wa Moabu nîmûcune gîkeno na ûcanjamûku, nîndûmîte ndivei ndîkaume ivivîrorî cia thavibu, gûtirî mûndû ûvivaga ndivei arî na gîkeno, înegene rîu mûregua tî rîa gîkeno.

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Joeli 1:12

Mîthavibu na mîkûyû nî mîvovu; mîtî yonthe ya matunda nî mîthiru vinya, mîkûngûmanga, mîkîndû na mîtunda yonthe nî mîûmû, na gîkeno nî kîthiru gatagatîrî ka andû.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.