Isaia 23:9 - ÎVUKU RÎA ÛVORO MWARO

⁹ Ngai-Mûnene mwene vinya wonthe, nîke wavangire maûndû mama monthe. Eekire ûguo nîguo athirie mwîtîîo wa andû a kuo, na aconorithie arîa maveetwe gîtîîo nthî yonthe.

Isaia 23:9 ပူးပေါင်းရင်းမြစ်များ

Ayubu 12:21

Nîanyararithagia arîa mathanaga, na agacuna arîa marî vinya ûvoti.

Thaburi 107:40

nîwanyararire atongoria arîa maamavinyagîrîria, na agîtûma maûrûre werûrî kûndû gûtarî njîra.

Ntha 8:4

We andû aku, anene onthe aku nîmûkaarûgagîrwa nî ciûra ikamûtamba.’ ”

Isaia 10:33

Taroria, Ngai-Mûnene mwene vinya wonthe akaamarivania nthî ta ûrîa mvûa cia mûtî irivanagua ciatemwa; njamba irîa nene nîigaatemwa igwe nthî, nao arîa etîi nîmagaaconorithua.

Isaia 13:11

Ngai-Mûnene arauga atîrî, “Nîngaaverithia nthî nîûndû wa waganu wayo, na mverithie andû arîa aganu nîûndû wa mevia mao. Nîngaathiria mwîtîîo wa andû arîa eyambî, na nthirie mwîcaaro wa andû arîa matarî ntha.

Isaia 14:24

Ngai-Mûnene mwene vinya wonthe evîtîte akauga atîrî, “Ûrîa mvangîte nîguo gûgeekîka, na ûrîa nduîte nîguo gûkaavinga.

Isaia 14:26

Ûyû nîguo mûvango ûrîa mvangîrîte nthî yonthe; na rîîrî nîrîo îvera rîrîa ngaaverithia mavûrûri monthe narîo.”

Isaia 14:27

Ûndû ûrîa Ngai-Mûnene mwene vinya wonthe avangîte gwîka, nû ûngîmûgiria? Rîrîa araverithania nû ûngîmûgiria?

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 2:17

Mwîtîîo wonthe wa andû nîûkaanyivua, na mwîcaaro wa andû nîûkaathirua, na Ngai-Mûnene wenga tu nîke ûgaakumua mûthenya ûcio.

Isaia 23:10

Mue arîa mûtûûraga Tarishishi rîmani mîgûnda yenyu; nîûndû mûtirî na kîndû gîa kûmûrigîrîria rîngî.

Isaia 32:13

nîûndû wa vûrûri wa andû akwa nîûramera mîgua na nthaugû, mûrîrîre nyomba cionthe irîa ciecûrîtwe nî gîkeno, na ciarî îtûûrarî rîrî na gîkeno.

Isaia 5:13

Kwoguo nîngaavira andû akwa îthamîriorî nîûndû wa kwaga ûmenyo. Atongoria ao nîmagaakua nî yûra, na andû eengî nîmagaakua nî nyonda.

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 13:9

“Ûguo nîguo ngathiria mwîtîîo wa andû a Juda na mwîtîîo mûnene wa Jerusalemu.

Jeremia 51:62

na uge atî, ‘Ngai-Mûnene, we mwene nîwe uugîte nîûgûcûkangia kûndû gûkû, nîguo gûtikanacoke gûtûrwa nî andû rîngî wana kana nyamû, nwatî gûgatuîka werû tene na tene.’

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Obadia 1:2

Ngai-Mûnene erîte vûrûri wa Edomu atîrî, “Nîngaagûtua rûrîrî rûnini gatagatî ka ndûrîrî cionthe, andû onthe nîmagaakûnyarara.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 3:11

Ngai eekire ûguo kûringana na ûrîa aavangîte kuuma wa Kîammbîrîria na ke aavingirie mûvango ûcio wake na njîra ya Jesû Kristû Mwathani wetû.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”