Isaia 22:23 - ÎVUKU RÎA ÛVORO MWARO

²³ Nîngaavanda Eliakimu na kinyi ta mûcumarî ûvûrîrîtwe vandû na nîakaavewa gîtîîo nî andû a nyomba ya îthe.

Isaia 22:23 ပူးပေါင်းရင်းမြစ်များ

Ezira 9:8

Nwatî Ngai-Mûnene, Ngai wetû, gwa kavinda kanini wîthîrîtwe ûgîtwîguîra ntha na ûgatûma amwe etû tuume ûkomborî na tûtûûre kûndû gûkû kûtheru tûrî agitîre.

Esita 10:3

Moridekai aarî wa kaîrî wathanirî kuuma kûrî mûthamaki Ahasuerusi. Aarî mûtîîe mûno na akendwa nî Ayahudi arîa engî. Nîwarutaga wîra mwaro mûno kûrî andû ake nîguo magîe na ûtûûro mwaro na njiarwa ciake cionthe ciîthagîrwe irî na thayû.

Esita 4:14

Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Ayubu 36:7

Ngai nîagitagîra arîa athingu, akametîkîria mekarîre itî cia ûthamaki, na agatûma mekare marî atîîe tene na tene.

Mûvunjia 12:11

Ciugo cia andû aûgî ciîkariî ta mîragi mîûgî îrîa îtûmagîrwa nî arîthi ya gûtongoria ng'ondu, na nthimo icokanîrîrîtue vamwe ciîkariî ta mîcumarî îmundîrîrîtwe vandû waro ivecanîtwe nî Ngai mûrîthi wa andû onthe.

Isaia 22:24

“Nao andû ao onthe a mûciî wake, anini na anene nîmagaacuragîrîra kûrî ke ta thaburia na mbakûri icuurîtue mûcumarîrî.

Isaia 22:25

Ngai-Mûnene mwene vinya wonthe augîte atîrî, ‘Rîrîa mûthenya ûcio ûgaakinya, mûcumarî ûrîa wamundîrîrîtwe vandû na kinyi nîûkagûka. Nîûkagûka na ûgwe nthî, naguo mûrigo ûrîa wenyitîrîrîte mûcumarîrî ûcio nîûkaagwa. Nie, Ngai-Mûnene nînie nauga ûguo.’ ”

Zakaria 10:4

Juda nîgûkaauma athamaki a mîthemba mîîngî, atongoria mekariî ta îthiga rîa kona, kana gîkingi Kîam îgema, na marî na vinya ta ûta ûrîa ûvûthagîrwa mbaararî.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.