Isaia 22:2 - ÎVUKU RÎA ÛVORO MWARO

² Nîndûî kîratûma mugîrîrie mûkenete, îtûûra rîonthe rîcûrîtwe nî wagagu na înegene. Andû enyu arîa maakwire matiaûragwa na mviû, na matiaûragîrwa mbaararî.

Isaia 22:2 ပူးပေါင်းရင်းမြစ်များ

Isaia 10:4

Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 23:7

Rîîrî nîrîo îtûûra rîa Turo rîrîa rîarî rîa ikeno, îtûûra rîatumirwe tene, na andû a kuo maathiîre gûtûûra mavûrûri ma kûraca?

Isaia 32:13

nîûndû wa vûrûri wa andû akwa nîûramera mîgua na nthaugû, mûrîrîre nyomba cionthe irîa ciecûrîtwe nî gîkeno, na ciarî îtûûrarî rîrî na gîkeno.

Isaia 32:14

Nîûndû nyomba ya mûthamaki nîkaathamwa, na îtûûra rîrî îgweta ûguo rîtiganîrue. Irîma na nyomba ndaca na îgûrû cia arangîri igaatuîka maganjo tene na tene, nyûmbû nîigaakenaga irî kuo, na ng'ondu irîcage kuo.

Isaia 37:33

“Kwoguo ûvoro wîgiî mûthamaki wa Asîria Ngai-Mûnene arauga atî: ‘Ke ndagaaûka îtûûrarî rîîrî, kana aikia mûguî kuo, kana atonya kuo na ngo, kana arîcîgîrîria arîtharîkîre.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 38:2

Ngai-Mûnene augîte atî, “Mûndû wa wonthe ûgatigwa vûrûri ûyû nîakaaûragîrwa mbaararî, aûragwe nî yûra na mîrimû. Nwatî ûrîa ûkaumîra na evecane kûrî Akalidei nîagaatûûra mwoyo na avonokie mwoyo wake.

Jeremia 52:6

Na mûthenya wa kenda wa mweri wa kana, yûra nîrîacacire mûno îtûûrarî rîu, atî gûtiarî kîndû andû akuo mangîarîre.

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Ezek 22:5

Mavûrûri marîa marî gûkuvî nawe na marîa marî kûraca nawe, nîmagaakûthekerera nîûndû ûrî îgweta îcûku, na ûrî wa înegene.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.