Isaia 22:11 - ÎVUKU RÎA ÛVORO MWARO

¹¹ Nîmwatumire îtangi gatagatî ka nthingo igîrî nîguo rigage manjî rîrîa magwîtîka kuuma kariarî karîa ka mbere. Nwatî mûtiacaria Ngai ûrîa wavangire maûndû mau, na mûtiaûria ûtethio wa Ngai ûrîa wavangire maûndû mau kuuma tene.

Isaia 22:11 ပူးပေါင်းရင်းမြစ်များ

2Atha 20:20

Maûndû mengî monthe marîa Hezekia eekire, ciîko ciake cia ûcamba, na ûrîa enjire karia ka manjî na akînja mûtaro wa kûvira manjî îtûûrarî rînene, nîmandîke Îvukuurî rîa Maûndû ma Tene ma Athamaki Juda.

2Atha 25:4

Rûthingo rwa îtûûra nî rwomorirwe mwena ûmwe na mûthamaki vamwe na athigari onthe a mbaara nîmaaûrire ûtukû mavîtûkîrîrîte mûgûndarî wa mûthamaki. Maavîtûkîrîre kîvingorî kîrîa Kîamrî gatagatî ka nthingo igîrî, na nîmaathiîre merekerete mwena wa Araba, wana ethîrwa athigari a Babuloni nîmaarigicîrîtie îtûûra.

2Maû 6:6

Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”

Nehemia 3:16

Nehemia mûvîcî wa Azibuki ûrîa wathaga nuthu ya vûrûri wa Bethizuri nîwatumire rîngî rûthingo varîa varoranîtie na mbîrîra ya Daudi, kariarî, nginya nyombarî ya arûme arîa maarî vinya.

Isaia 17:7

Mûthenya ûcio, andû nîmakaaroria ûrîa Wamaûmbire na magarûrûkîre Ûrîa Mûtheru wa Isiraeli.

Isaia 22:10

Nîmwatarire nyomba cionthe cia Jerusalemu, mûkîomomora imwe ciacio nîguo mûgîe na mathiga ma gûcokereria nthingo cia îtûûra nîguo igîe vinya.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Isaia 7:3

Ngai-Mûnene nîwerire Isaia atîrî, “Oca mûvîcîguo Shearijashubu, na mûthiî nake mûgatûnge mûthamaki Ahazi. Nîûgûtûngana nake njîrarî kûrîa nguo itumagîrwa, mûthiiarî wa mûtaro ûrîa ûretaga manjî kuuma kariarî ka mwena wa îgûrû.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Jeremia 39:4

Rîrîa Zedekia mûthamaki wa Juda na athigari ake onthe maamonire, nîmaaumire kûu îtûûrarî ûtukû makîûra. Mavîtûkîrîre mûgûndarî wa maûa wa mûthamaki, matonyerete mûrangorî ûrîa warî gatagatî ka nthingo igîrî na makîthiî merekerete Araba.

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.