Isaia 22:1 - ÎVUKU RÎA ÛVORO MWARO

¹ Îno nî ndûmîrîri nene îgiî Kîanda gîa Kîoneki. Nîkwa kûrî na ndûî, rîu andû onthe maratwa nyomba îgûrû?

Isaia 22:1 ပူးပေါင်းရင်းမြစ်များ

Kîam 21:17

Ngai nîwegwire kamwana kau gakîrîra. Nake mûraika wa Ngai kuuma îgûrû, nîwaririe na Hagari akîmûria atîrî, “Nîndûî kîrakûthînia Hagari? Tiga kûmaka nîûndû Ngai nîwegua kavîcî gaku gakîrîra karî varîa karî.

2Sam 14:5

Nake mûthamaki nîwamûûririe atîrî, “Ûrenda atîa?” Nake mûndûmûka agîcokia atîrî, “Mwathi wakwa nie nîrî mûndûmûka wa ndigwa, nîûndû mûthuuri wakwa nîwakwire.

2Atha 6:28

Mûthamaki nîwacokire akîûria mûndûmûka ûcio atîrî, “Nîndûî kîrakûthînia?” Nake mûndûmûka ûcio nîwamûcokerie atîrî, “Mûndûmûka ûyû aambîrire atî tûrîe kaana gakwa ga kavîcî ûmûnthî, tûgaacoka tûrîe kaana gake ga kavîcî mûthenya ûcio wîngî.

Thaburi 114:5

We îria, gwekîkire atîa nîguo ûûre? Nawe Jorodani, watigire kûnyûrûrûka nîkî?

Thaburi 125:2

Wata ûrîa irîma ithiûrûrûkîrîtie Jerusalemu, nwa ta guo Ngai-Mûnene athiûrûrûkîrîtie andû ake, kuuma rîu nginya tene na tene.

Nthi 29:18

Andû matarûmagîrîra ûrîa Ngai endaga matirî mîtugo mîaro, kûrathimwa nî mûndû ûrîa wathîkagîra watho wa Ngai.

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 15:3

maravîtûkîrîra njîrarî mekîrîte nguo cia macakaya; maracakaya makîrîraga methori marî nyombarî îgûrû na ivaarorî cia matûûra.

Isaia 22:5

Nîûndû ûmûnthî Ngai-Mûnene mwene vinya wonthe, nîatûreterete kîmako, gûcindwa na kîvîngîcî, gûkû Kîandarî gîa Kîoneki. Nthingo cia îtûûra nî nyomomore, na înegene rîa andû akuo nî rîreguîka nginya irîma.

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Jeremia 21:13

Taroria nie nîrarûa namue mue mûtûûraga Kîamndarî, “Mue mûtûûraga rûnyanjararî rwa îthiga, mue mûragia atî nû ûngînyûrûrûka gûtûtharîkîra, nîûrîkû ûngîtonya kûrîa tûtûûraga?

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 32:32

nîûndû wa maûndû monthe macûku marîa andû a Isiraeli na Juda mekîte vamwe na athamaki, atongoria, athînjîri-Ngai na arathi.

Jeremia 48:38

Îgûrû rîa nyomba cionthe cia Moabu na ivaarorî cia gûcemanîrua gwîcûrîte macakaya matheri. Nîûndû nîmbûragîte Moabu ta nyûngû îrîa gûtarî mûndû ûngîmîtûmîra. Ûguo nîguo nie Ngai-Mûnene nîrauga.

Joeli 3:12

“Nwanginya mavûrûri mevarîrie; maûke Kîamndarî gîa îtuîro. Kûu nîkuo nie Ngai-Mûnene ngekara, kûu nîkuo ngekara ngîtuîra mavûrûri monthe ma nthî.

Joeli 3:14

Marakinya marî ikundi gwa ikundi Kîamndarî gîa îtuîro, nîûndû mûthenya wa Ngai-Mûnene nîûkuvîvîrie.

Mika 3:6

“Mue arathi, nîgûgaatuka mûtige kwona cioneki, mûrumîrûe nî nduma mûtige kwona maûndû, mûtigacoka kûgîa na cioneki, kana kûratha ûndû wanarî ûmwe.”

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Mathaayo 10:27

Ûndû ûrîa nîramwîrîra ndumarî nwa nginya mûkawaria ûtherirî; na maûndû marîa mwîragwa na kîvwe, nwa nginya mûkaamanîrîra mûrî nyombarî îgûrû.

Aroma 3:2

Kûrî vata mûno! Ûndû wa mbere, Ayahudi nîo mevokeretwe ndûmîrîri nî Ngai.

Gûco 22:8

“Rîrîa ûgaatuma nyomba njerû ûkaamîrigicîria na rûthingo rûkuvî mîena yonthe îgûrû rîayo nîguo mûndû wa wonthe angîgwa akue aumîte îgûrû rîayo, andû a nyomba yaku matikagwatwe nî wîvia wa kûragana.

Atir 18:23

Rîrîa maamakinyîre nîmaaugîrîrie andû acio a Dani, nao andû a Dani nîmeevûgûrire na makîûria Mika atîrî, “Nî atîa ûrenda, ûgîûka na andû acio onthe?”

1Sam 11:5

Vîndî îo Saûlo aaumîte mûgûndarî arûmîrîrîte ndegwa ciake; nake nîwaûririe atîrî, “Nîndûî kîrî na thîna, na nîndûî kîratûma andû onthe marîre?” Nao nîmaamûvere ûvoro ûrîa anjaama arîa maaumîte Jabeshi maamerîte.

1Sam 3:1

Nake mwanake ûcio wetagwa Samueli nîwathiîre na mbere gûtungatîra Ngai-Mûnene akîonagîrîrua nî Eli. Vîndî îo ndûmîrîri ciumîte kûrî Ngai-Mûnene vamwe na cioneki itiethagîrwa irî nyîngî.