Isaia 20:2 - ÎVUKU RÎA ÛVORO MWARO

² Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Isaia 20:2 ပူးပေါင်းရင်းမြစ်များ

2Sam 15:30

Daudi nîwaunûkirie kîrîma Kîam mîtamaiyû îrîa îciaraga matunda arî magûrû matheri akîrîraga; eekunîkîrîte kîongo ta mûndû agîcakaya. Nao andû onthe arîa maarî nake nîmeekunîkîre ciongo na makîmûrûmîrîra makîrîraga.

2Sam 6:20

Vuvarî rîrîa Daudi aathiîre kûrathima andû a mûciî wake, Mikali mwarî wa Saûlo nîwathiîre kûmûtûnga na akîra Daudi atîrî, “Kaî mûthamaki wa Isiraeli nîatûmîte atîwe ûmûnthî-î! Ke eguûririe nguo yake ya ûthamaki methorî ma ndungata ciake cia erîtu ta mûndû mûritu!”

2Atha 1:8

Nao nîmaamûcokerie atîrî, “Arekîrîte nguo ya guoya, na akeyova mûcivi wa rûûo kîûnûrî gîake.” Nake mûthamaki nîwaugire atîrî, “Ûcio nî Elija Mûtishibi.”

Thaburi 30:11

Nîûtûmîte gûcakaya gwakwa gûtuîka gîkeno, nî ûnthirîrîtie kîeva kanthiûrûrûkîria na gîkeno.

Ntha 3:5

Nake Ngai-Mûnene nîwamwîrire atîrî, “Ndûgaûke vakuvî makîria. Ruta iratû nîûndû ûrûngamîte vandû vatheru.

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 37:2

Nîwatûmire Eliakimu, mûmenyereri wa nyomba ya mûthamaki; Shebuna, mwandîki; na athînjîri-Ngai arîa akûrû mekîrîte nguo cia macakaya mathiî kûrî mûrathi Isaia, mûvîcî wa Amozu.

Jeremia 48:37

Andû onthe nîenju ciongo na nderu ciao. Onthe nîmetemangîte njara, na makeyova nguo cia macakaya ciûnorî.

Ezek 24:17

Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Ezek 24:23

Mûgeekîra iremba ciongorî cienyu, na mwîkîre iratû magûrû menyu, mûtigaacakaa kana mûrîra. Nwatî nîûndû wa mevia menyu nîmûkaagîa na kîeva na wa mûndû nîagacakaagîra mûndû ûrîa wîngî.

Ezek 4:1

Ngai nîwambîrire atîrî, “We mûndû, oca îtuvarî, ûrige mbere yaku na ûcoke ûcore mbica ya îtûûra rîa Jerusalemu îgûrû rîa rîo.

Ezek 4:5

Nîngûtuîrîrîte gûkûverithia îvinda rîa mîthenya magana mathatû ma mîrongo kenda (390) nîûndû wa waganu wa andû a Isiraeli. Mûthenya ûmwe nî ûndû ûmwe na mwaka ûmwe ûrîa ngamaverithia.

Mika 1:11

Mue andû a Shafiri, umagarani mûrî njaga na mûconokete, atûûri a Zaanani mûtikaume nja ya îtûûra rîenyu. Andû a Bethezeli nîmararîra, matirî na kûndû gwa kûûrîra.

Mika 1:8

Nîûndû wa ûguo nîngûrîra na njakae; nînthiî nîrî njaga na ndarî iratû. Nîndîra ta Kîamthi, na ndîre ta nyaga.

Zakaria 13:4

Kavinda kau gakinya, arathi nîmakegucaga nthoni nî cioneki ciao. Matigetîkîra gwîkîra nguo irîa irî guoya cia ûrathi nîguo maveenanie,

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 3:4

Johana eekagîra nguo yathondeketwe na guoya wa ngamîîra. Eeyovaga mûcivi wa rûûo kîûnûrî, na irio irîa aarîcaga ciarî ngige na ûûkî wa kîthaka.

Johana 21:7

Nake mûrutwa ûrîa Jesû eendeete nîwerire Petero atîrî, “Nî Mwathani!” Na rîrîa Petero eegwire atî nî Mwathani, nîwekîrire kanjû yake (nîûndû aarî mûmîrutu) na akîrûga manjîrî.

Ciîko 19:16

Nake mûndû ûcio warî na roho mûcûku nîwamatharîkîre na vinya mûno. Na nîûndû mûndû ûcio nîwakîririe Ayahudi acio onthe vinya, nîmaaumire kûu nyomba na makîvinyûra maûrîte marî njaga na mativangîtue.

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Josh 5:15

Mûnene ûcio wa athigari a mbaara a Ngai-Mûnene nîwerire Joshua atîrî, “Ruta iratû ciaku, ûrûngamîte vandû vatheru.” Nake Joshua nîwekire ûguo eerirwe.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

1Sam 19:24

Nîwarutire nguo ciake na akîambîrîria kûratha arî mbere ya Samueli. Nîwekarire arî njaga mûthenya ûcio wonthe na ûtukû. (Kwoguo andû nîmaambîrîrie kûrania atîrî, “Nîkwa Saûlo wanake arî mûtuîku mûrathi?”)