Isaia 2:6 - ÎVUKU RÎA ÛVORO MWARO

⁶ Rîu we Ngai, nîûtiganîrîtie andû aku, njiarwa cia Jakovu, nîûndû aringi a mbûgû kuuma mwena wa îrathîro mecûrîte kwao, na oni maûndû ta Afilisiti, na nîmanyitanagîra na andû ageni.

Isaia 2:6 ပူးပေါင်းရင်းမြစ်များ

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

1Maû 10:13

Saûlo aakwire nîûndû ndaarî mwîvokeku kûrî Ngai-Mûnene. Nîwaregire kwathîkîra watho wa Ngai-Mûnene, na nîwathiîcaga kûria ûtaaro kûrî ago,

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 24:20

Roho wa Ngai nîwanyûrûrûkire kûrî Zakaria mûvîcî wa Jehoiada mûthînjîri-Ngai. Nîwarûngamire vandû andû onthe maavotaga kûmwona na akîmeera atîrî, “Ngai araûria, nîndûî gîtûmaga mune maathani ma Ngai-Mûnene! Mûtingîthatûkwa nîûndû nîmûmûregete; kwoguo wanake nîamûregete.”

Nehemia 13:23

Kavindarî wa kau nînaamenyire atî Ayahudi eengî nîmaavikîtie aka kuuma Ashidodi, Aamoni, na Moabu.

Thaburi 106:35

Nwatî nîmaanyitanîre na andû a ndûrîrî, na makîambîrîria gwîka tao.

Ntha 22:18

“Mûtikareke mûndûmûka mûrogi atûûra mwoyo.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Nthi 6:1

Mwana wakwa, ûngîrûngamîrîra mûndû ûrîa mûtûûranîrîte nake agîkova kîndû, ûngîthîrwa wîranîrîte atî nîûkûrûngamîrîra mûndû ûcio agîkova kîndû;

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 10:2

Ngai-Mûnene arauga atîrî, “Mûtikarûmîrîre mîthiîre ya mavûrûri marîa mengî, na mûtikamakue nî marûûri ma îgûrû, nîûndû mavûrûri marîa mengî nîmaramakua nîmo.

Jeremia 12:7

Ngai-Mûnene arauga atîrî, “Nîndiganîrîtie andû akwa a Isiraeli, nîndeete andû akwa kîûmbe, nîndekereretie mwenda wakwa njararî cia nthû ciake.

Maca 5:20

Nîndûî gîtûmîte ûtûûre ûriganîrîtwe nîtue? Nîndûî gîtûmîte ûtûûre ûtûtiganîrîtie?

Alawi 19:31

“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.

Alawi 20:6

“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.

Mika 5:11

Nîngaacûkangia matûûra ma vûrûri wenyu, na nyomomore kûndû kwenyu gwa kwîgitîra.

Mika 5:12

Nîngaathiria aragûri onthe arîa mwîthagîrwa nao na nîmûtige mûtarî na mûndû wa kûmwonera maûndû.

Zefania 1:8

Ngai-Mûnene arauga atîrî, “Mûthenya wa îgongoona rîakwa, nîngaverithia anene na ciana cia athamaki, na arîa onthe marûmagîrîra mîtugo ya ûgeni.

Ndari 23:7

Balaamu nîwaririe ûrathi wake akiuga atîrî, “Balaki mûthamaki wa Moabu nîandutîte Sîria, na irîma cia mwena wa îrathîro. ‘Ûka ûnumîre andû a Jakovu, ûka warie ûndû mûcûku kûrî andû a Isiraeli.’

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

1Sam 6:2

Afilisiti nîmeetire athînjîri-ngai ciao na aragûri na makîmaûria atîrî, “Nîtwîka atîa na îthandûkû rîa Kîrîkanîro rîa Ngai-Mûnene? Ta twîreni nîtûrîcokia kûrîa riumîte na ndûî?”