Isaia 2:3 - ÎVUKU RÎA ÛVORO MWARO

³ Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 2:3 ပူးပေါင်းရင်းမြစ်များ

Esita 9:27

Ayahudi nîmaavîtûkirie ûndû ûyû ûrî watho kûrî o, njiarwa ciao na arîa onthe magatuîka Ayahudi atî mwaka wa mwaka kavinda karîa kagîrîrîte, mîthenya îo îîrî îkûngûagîrwe kûringana na watho wa Moridekai.

Thaburi 102:23

Ngai-Mûnene nîanyivîrîtie vinya nîrî mwîthî, nîanyivanyivîrîtie ûtûûro wakwa.

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 119:171

Ngaagûkumagia vîndî cionthe, nîûndû nîûnthomithagia mawatho maku.

Thaburi 122:1

Nînakenire rîrîa maambîrire atîrî, “Tigani tûthiî nyombarî ya Ngai-Mûnene.”

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Isaia 1:26

Nîngaamûcokeria atucanîri ciira ta arîa a mbere, na andû a kûmûtaara wata arîa mwarî nao Kîammbîrîriarî. Vuva wa ûguo Jerusalemu nîgaacoka gwîtwa, ‘Îtûûra rîa Ûthingu,’ ‘Îtûûra Rîvokeku.’ ”

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 19:23

Mûthenya ûcio, nîgûkethîrwa kûrî na varavara nene yumîte Misiri îthiîte vûrûrirî wa Asîria. Andû Asîria nîmagaceraga Misiri, nao andû a Misiri nîmagaceraga Asîria; nao andû a Misiri na andû a Asîria nîmakaagooca Ngai vamwe.

Isaia 28:9

Manthekagîrîra makîûragia atîrî, “Mûrathi ûcio arenda kûthomithia û? Areciria nîagûtûtarîria ndûmîrîri yake? Tue tûrî ciana cia ngenge irîa iratigithirue kwonga?

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Isaia 56:7

nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”

Isaia 60:3

Ndûrîrî nîigaaûka ûtherirî waku, nao athamaki maûke ûkengurî waku.

Isaia 65:11

“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;

Isaia 66:20

Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 31:6

Nîûndû mavinda nîmagaakinya rîrîa arangîri magetana marî vûrûrirî ûrîa ûrî irîma wa Efiraimu; mauge atî, ‘Ûkîrani tunûkie Zayuni kûrî Ngai-Mûnene Ngai wetû.’ ”

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Mathaayo 7:24

“Kwoguo mûndû wa wonthe ûrîa wîgucaga ciugo ino ciakwa na agaciathîkîra ekariî ta mûndû mûûgî ûrîa watumire nyomba yake rûciararî.

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 4:22

Mue Asamaria mûtiîcî nî ûrîkû mûgoocaga nwatî tue Ayahudi nîtwîcî nî ûrîkû tûgoocaga, nîûndû ûvonokio uumaga kwa Ayahudi.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 10:33

Kwoguo nînaagûtûmanîre rîmwe, na we nîweka waro mûno nîûndû nîwaûka. Rîu tue tuonthe tûrî ava mbere ya Ngai tûthikîrîrîtie wa ûrîa wonthe we ûgûtwîra wathîtwe nî Mwathani.”

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

Gûco 33:19

Nîmageta andû onthe magomane vamwe kîrîmarî; na marute magongoona marîa magîrîre vo. Nîûndû marutaga ûtonga wao îriarî, na mûthangarî ûrîa ûrî rûtererî rwa îria.”

Gûco 6:1

“Rîîrî nîrîo rîathani, mawatho na irîra irîa Ngai-Mûnene, Ngai wenyu aambathire nîmûthomithie, nîguo mûirûmagîrîre mûrî vûrûri ûrîa mûthiîte kwîgwatîra.

Jakuvu 1:25

Nwatî andû arîa mathomaga waro watho ûrîa mûkinyanîru na ûrutaga mûndû ûkomborî, nîaûrûmagîrîra na akavingia ûrîa ugîte na tî kûthikîrîria na akîriganîrwa nîguo, andû acio nî arathime maûndûrî monthe marîa mekaga.