Isaia 2:20 - ÎVUKU RÎA ÛVORO MWARO

²⁰ Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 2:20 ပူးပေါင်းရင်းမြစ်များ

Kîam 35:4

Kwoguo nîmaanengere Jakovu ngai cionthe ng'eni irîa maarî nacio, na mindo irîa mekîrîte matû. Jakovu nîwaithikire rungu rwa mûtî wa mûvuru vakuvî na Shekemu.

Mûvunjia 3:6

Kavinda ga gûcaria na kavinda ga gûta, kavinda ga gûcokanîrîria indo na kavinda ga gûta.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 17:8

Matikaaroria rîngî metha cia magongoona irîa matumîte na njara ciao, kana marorie irîa maturîte o ene îrî mûvuanano wa ngai ya mûndûmûka ya Ashera kana metha cia magongoona cia kûvîvîria ûbani.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 31:7

Nîûndû mûthenya ûcio mue muonthe nîmûgaata mîvuanano ya sîlûva na ya thaavu, îrîa mwîrûthîrîte mue ene na njara cienyu îgatûma mwîvie.

Isaia 40:19

Nwa aringithanue na mûvuanano ûrîa umîtue nî mûndû, nake mûturi wa indo cia thaavu akaûvaka thaavu, na akaûgemia na mîkathî ya sîlûva?

Isaia 46:1

“Beli nîînamîrîrîte, Nebo nî ngwîu nthî; mîvuanano ya ngai icio îkuuîtwe nî nyamû na ng'ombe, indo ino ititikithîtue mvunda, nî mîrigo îrî mîrukuthurî ya nyamû icio nogu.

Isaia 46:6

Andû arîa metûrûraga thaavu kuuma mîvukorî yao, makîthimaga sîlûva na ithimi ciao, mandîkaga mûturi wa thaavu, nake akathondeka mûvuanano wa ngai yao; nao macokaga makamîturîria maru makamîgooca!

Ezek 14:6

“Kwoguo îra andû a Isiraeli atî, Ngai-Mûnene augîte: Îrireni na mûgarûrûke mûtigane na mîvuanano îo yenyu, na mûtige maûndû marîa macûku mwîkaga.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 7:19

Nîmagaikia sîlûva njîrarî, na thaavu yao igaatuîka ta kîndû gîtarî kîtheru. Sîlûva na thaavu ciao itikaavota kûmavonokia mûthenya ûrîa Ngai-Mûnene akaametûrûrîra marakara make. Itikaamathiria vata kana imavaithie, nîûndû mbeca icio na thaavu nîcio ciatûmire matonye waganurî.

Hosea 14:8

Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Alawi 11:19

mûndûndûkwa, nthiûriû, kîroro kana mvuvu.

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Luka 23:30

Kavinda kau nîrîo andû makaambîrîria kwîra irîma atîrî, ‘Tûgwîreni!’ na macoke meere tûrîma atîrî, ‘Tûkunîkîreni!’