Isaia 19:2 - ÎVUKU RÎA ÛVORO MWARO

² Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Isaia 19:2 ပူးပေါင်းရင်းမြစ်များ

1Atha 16:21

Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.

2Maû 15:6

Kwarî na mbûkanîrîro nyîngî. Vûrûri nîwatharîkagîra vûrûri ûrîa wîngî, narîo îtûûra rîkatharîkîra îtûûra rîrîa rîngî, nîûndû Ngai nîwamareterete mathîna ma mîthemba yonthe.

Isaia 3:5

Andû nîmakaavinyanagîrîria, wa mûndû na ûrîa wîngî; andû ethî nîmakaaira andû arîa akûrû, na andû matarî kîene nîmakaaira anene ao.

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Jeremia 46:12

Mavûrûri nîmeguîte gîconoko kîenyu, na nthî îcûrîtwe nî kîrîro kîenyu; nîûndû athigari njamba maravîngîcana o ene kwa ene; onthe vamwe nîagwîu.

Jeremia 51:46

Mûtigakue ngoro kana mwîgue guoya, nîûndû wa ndeto îtarî na mûkinyo irîa mûregua gûkû vûrûrirî. Wa mwaka ûrî na ndeto itarî mûkinyo; ndeto cia mbaara vûrûrirî, mûthamaki ûmwe akîrûa na ûrîa wîngî.

Ezek 38:21

Nîngaatûma Gogu agîe na maûndû ma kûmûmakia ma mîthemba yonthe. Andû aku nîmagaaûkanîrîra wa mûndû arûe na mûndû ûrîa wîngî. Nînie Mwathani Ngai-Mûnene mbugîte ûguo.

Zakaria 8:10

Nîûndû mbere ya kavinda kau gûtirî mûndû ûngîavotire kwandîka mûndû wîra kana gûkombora nyamû cia kûruta wîra. Gûtirî mûndû wethagîrwa arî mûgitîre kuuma kûrî nthû yake akiumagara kana agîcoka. Nînatûmîte andû maûkanîrîre wa mûndû na mûndû ûrîa wîngî.

Mathaayo 10:21

“Andû nîmakaanenganîra aa mûrwang'ina nîguo maûragwe, namo methe nîmageka wata ûguo kûrî ciana ciao. Ciana nîigaaûkîrîra aciari acio, na imaûragithie.

Mathaayo 10:36

Andû a nyomba yaku nîo makethagîrwa marî nthû ciaku irîa nene.

Mathaayo 12:25

Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga.

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

Maariko 3:24

Ûthamaki wa wonthe ûngîîgaûkania, ûthamaki ûcio ndûngîvota kwîrûngamia.

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

Atir 9:23

Ngai nîwacokire agîtûma roho mûcûku aûke gatagatîrî ka Abimeleki na andû a Shekemu, na andû a Shekemu nîmaareganire na Abimeleki.

1Sam 14:16

Nao arangîri a Saûlo marî Gibea kûu vûrûrirî wa Benjamini nîmoonire Afilisiti makîvinyûra mîena yonthe marî avîngîcîku.

1Sam 14:20

Kwoguo Saûlo marî na arûme onthe arîa maarî nake nîmaaûnganire vamwe na makîthiî kûrûa na Afilisiti. Nao rîrîa maakinyire kuo nîmeethîrîrie Afilisiti magîtemanganaga o ene nîûndû kwarî na kîvîngîcî kînene mûno.