Isaia 18:3 - ÎVUKU RÎA ÛVORO MWARO

³ Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Isaia 18:3 ပူးပေါင်းရင်းမြစ်များ

Thaburi 50:1

Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 11:12

Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.

Isaia 13:2

Ngai augîte atîrî, “Vandani vendera îgûrû rîa kîrîma gîtarî na mîtî, ugîrîriani mwîte athigari, na mûmavenerie na njara, nîguo matonyere kîvingo gîa îtûûra rîa andû arîa marî îgweta.

Isaia 13:4

Tathikîrîriani înegene rîrîa rîrî irîmarî îgûrû, nîta rîa andû eengî mûno! Tathikîrîriani înegene rîa mothamaki na mavûrûri magomanîte vamwe. Ngai-Mûnene mwene vinya wonthe nîaravarîrîria athigari ake a mbaara.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 49:22

Mwathani Ngai arauga atîrî, “Nîngambararîria andû a ndûrîrî njara yakwa, na mbûkîrîrie vendera yonwe nî andû; nao nîmakaarete anake enyu mamakuuîte na njara ciao, nao erîtu enyu mamakuuîte na ituro ciao.

Isaia 5:26

Ngai-Mûnene nîakaamenyithia vûrûri wa kûraca, na augîrie andû mûrûri kuuma mîthiia ya nthî; nao magaaûka mavinyûrîte.

Isaia 7:18

“Vîndî îo, Ngai-Mûnene nîakaaugia mûrûri ete andû a Misiri maûke ta ngi kuuma kûrîa tûrûnjî twa Nailo tumîte, na Asîria maûke ta njûkî kuuma vûrûrirî wao.

Jeremia 22:29

We vûrûri, we vûrûri, we vûrûri! Tathikîrîria ûrîa Ngai-Mûnene arauga.

Jeremia 51:27

“Vandani vendera ya mbaara gûkû nthî, vuvani karumbeta mavûrûrirî; varîriani mavûrûri nîguo marûe mbaara nake. Îtani mothamaki ma Ararati, Mini na Ashikenazi maûke maûtharîkîre. Thuurani njamba ya kûrûa nake; rîretereni mbarathi ta ikundi cia ngige.

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.

Mika 6:2

Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.

Mika 6:9

Ngai-Mûnene nî areta andû arîa matûûraga îtûûrarî na nîkwagîrîrîte mwîtigîre rîîtwa rîake; ke arauga atîrî: Tathikîrîriani mue mûgomanîte îtûûrarî!

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

Mathaayo 13:16

“Nwatî kaî mue mûrî arathime-î! Mue nîmwonaga na metho menyu, na mûkegua na matû menyu.

Mathaayo 13:9

Nake Jesû akîrîkîrîria nîwamerire atîrî, “Ûrîa wîna matû ma kwîgua nîegue!”