Isaia 17:9 - ÎVUKU RÎA ÛVORO MWARO

⁹ Mûthenya ûcio, matûûra mao marîa magitîre magaatigwa marî maganjo ta matûûra marîa maatiganîrue nî Ahivi na Amori rîrîa maaûrire nî andû a Isiraeli.

Isaia 17:9 ပူးပေါင်းရင်းမြစ်များ

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 17:8

Matikaaroria rîngî metha cia magongoona irîa matumîte na njara ciao, kana marorie irîa maturîte o ene îrî mûvuanano wa ngai ya mûndûmûka ya Ashera kana metha cia magongoona cia kûvîvîria ûbani.

Isaia 27:10

Nîûndû îtûûra rîrîa ririgîre rîtigîtwe rîrî rîonga, rîtiganîrîtue na rîkathamwa ta werû. Kûu nîkuo ng'ombe irîthagua na ikamama wa kuo.

Hosea 10:14

Kwoguo mûrurumo wa mbaara nîûgakinyîra andû aku; nthingo cionthe cia kwîgitîra nîikomomorwa ta ûrîa Shalimani aacûkangirie Betharibeli marî mbaararî, aka na ciana ciao magatinangua inuku.

Amosi 7:9

Kûrîa gûtûgîru njiarwa cia Isaka igoocagîra nîngaagûcûkangia viû, nacio nyomba irîa nyamûre cia andû a Isiraeli igatuîka maganjo na nîngaatharîkîra nyomba ya Jeroboamu na rûviû rwa njûra.”

Mika 5:11

Nîngaacûkangia matûûra ma vûrûri wenyu, na nyomomore kûndû kwenyu gwa kwîgitîra.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Mika 7:13

Nwatî nthî nî îgaatuîka werû, nîûndû wa waganu wa andû arîa matûûraga kuo.