Isaia 17:14 - ÎVUKU RÎA ÛVORO MWARO

¹⁴ Nîmatûmaga kûgîe na kîmako kîvwaî, nwatî mbere ya gûkîe kîmako gîkathira. Rîu nîrîo îgai rîa arîa matûtavaga indo cietû, na îrîvi rîa arîa matûcunaga indo cietû.

Isaia 17:14 ပူးပေါင်းရင်းမြစ်များ

2Atha 19:3

Ndûmîrîri îrîa Hezekia aamaveere mavirîre mûrathi Isaia yaugaga atîrî, “Hezekia auga atî, ûmûnthî nî mûthenya wa kîeva, nî mûthenya wa kûrumwa na kûnyararwa. Twîkariî ta mûndûmûka akîenda gûciara nwatî ndarî na vinya wa gûciara.

2Atha 19:35

Ûtukû ûcio, mûraika wa Ngai-Mûnene nîwathiîre kûrîa andû a Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko Kîam mûthenya ûcio wîngî, nîmeethîrîrie athigari acio onthe marî akuû!

Ayubu 20:29

Rîu nîrîo îvera rîa mûndû ûrîa mûcûku kuuma kûrî Ngai mûnene, Nîrîo îgai rîrîa agaagîrwa nî Ngai Mûnene.”

Thaburi 37:36

Nwatî vuvarî ngîvîtûkîrîra vo, ndaarî vo; naamûcaririe, nwatî ndiamwona.

Nthi 22:23

nîûndû Ngai-Mûnene nîakaamacirîrîra, na nîagaacuna arîa macunaga athîni na amacune wana mîoyo yao.

Isaia 10:25

Nîûndû vuva wa kavinda kanini marakara makwa nîmakaathira na nîngaacûkangia andû a Asîria nîrî na mang'ûrîka.

Isaia 21:12

Nanie mûrangîri ngîcokia atîrî, “Nîgûkîa, na gûcoke gûtuke rîngî. Wenda kûria ûria, thiî ûûke rîngî.”

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Isaia 29:5

Nwatî gîkundi Kîam nthû ciaku gîkethîrwa gîkariî ta rûkûngû rûvinyu, nacio nthû ciaku irîa itarî ntha ikethîrwa ciîkariî ta macaki, makaagûrûkua nî rûkûngi wa rîmwe.

Isaia 29:7

Gîkundi Kîam mavûrûri marîa marûaga na Jerusalemu, marîa monthe marûaga nake, makatharîkîra nthingo ciake cia vinya, na makamûretere thîna, magekara ta kîroto, na ta kîoneki gîa ûtukû.

Isaia 30:28

Mîvevû yake îkariî ta rûnjî rwîcûrîte rûkauna, manjî ma ruo makinyaga mûndû ngingo; Aûkîte kwinainia ndûrîrî aicûkangie, agaciovania na aivire kûrîa itendaga kûthiî.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 33:18

Mûkaririkanaga maûndû ma tene mûrî na guoya, mûkaûria atîrî, “Arîa maaûnganagia na magîtaraga gooti marî kû? Arîa maataraga nyomba cietû irîa ndaca na îgûrû marî kû?”

Isaia 34:17

Ngai-Mûnene nîagaîrîte wa kîûmbe vandû vakîo, nîaigaîrîte vûrûri na rûrigi, nîikegwatîra kûndû kûu tene na tene. Igaatûûra kuo njiarwa na njiarwa.

Isaia 41:12

Ûgaacaria acio magianaga nawe, nwatî ndûkamoona, arîa marûaga nawe magaatuîka kîndû vatarî.

Jeremia 13:25

Ngai-Mûnene arauga atîrî, “Maûndû mama nîmo nîmûgaîrîte, nîûndû nîmwariganîrwe nînie, na mûgîtîkia ngai cia maveeni.

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Jeremia 49:10

Nwatî nie ndigîte njiarwa cia Esaû itarî kîndû, na nîngunûrîte kûrîa methithîte, ndangîvota kwîthitha rîngî. Andû onthe a Esaû nîmacûkangîtue; gûtirî wanarî ûmwe wao mûtigaru.

Ezek 39:10

Matikaathiî kuna ngû mîgûndarî kana mathiî magaiteme mûtitûrî, nîûndû makaavûthagîra indo cia mbaara ta ngû. Nîmagaatava indo cia andû arîa maamatavîte, na makuue indo cia andû arîa maamacunîte indo ciao. Ûguo nîguo nie Mwathani Ngai-Mûnene mbugîte.”

Zakaria 2:12

Vûrûri wa Juda nîûgaatuîka îgai rîa Ngai-Mûnene kûu vûrûrirî ûrîa mûtheru, na nîakaathuura rîngî îtûûra rîa Jerusalemu rîtuîke rîake.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.