Isaia 16:12 - ÎVUKU RÎA ÛVORO MWARO

¹² Rîrîa andû a Moabu makaathiî kûgooca ngai ciao na menogie makîthiî kûrîa kûgoocagîrwa, macoke mathiî hekarûrî yao kûvoya, matikaathikîrîrua.

Isaia 16:12 ပူးပေါင်းရင်းမြစ်များ

1Atha 11:7

Solomoni nîwatumire vandû vatûgîru va kûgoocagîra Kemoshi, ngai îrîa îrî mûgiro ya Moabu, na vandû vatûgîru va kûgoocagîra Moleku, ngai îrîa îrî mûgiro ya Aamoni mwena wa îrathîro wa Jerusalemu.

1Atha 18:29

Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

2Atha 19:12

Methe makwa nîmaacûkangirie andû a mavûrûri ma Gozani, Harani, na Rezefu na makîûraga andû onthe a Edeni arîa maatûûraga Telasari. Maaregire kûvonokua nî ngai icio nîkî?

2Atha 3:27

Nîwacokire agîoca îrikithathi rîake rîa kavîcî ûrîa warî atuîke mûthamaki vuva wake na akîmûrutîra îgûrû rîa rûthingo rwa îtûûra kûrî ngai ya Moabu rîrî îtega rîa kûvîvua. Andû a Isiraeli nîmaarakarire mûno: kwoguo nîmaaumire kûu îtûûrarî na magîcoka vûrûrirî wao.

Nthi 1:28

Nîmûgaacoka mûmbîte, nwatî ndikaamwîtîka. Mûkaanjaria na kinyi, nwatî mûtikaamona.

Isaia 15:2

Andû a Diboni nîmaunûkîtie kûrîa magoocagîra magacakae. Andû a Moabu mararîrîra matûûra ma Nebo na Medeba. Andû onthe nî enju ciongo ciao na makenja nderu ciao,

Isaia 16:13

Îno nîyo ndûmîrîri îrîa Ngai-Mûnene aavecanire mbere îgiî Moabu.

Isaia 26:16

Ûûi Ngai-Mûnene, rîrîa maarî thînarî, nîmaagûkaîre, rîrîa wamaverithirie, o nîmaakûvoire.

Isaia 37:38

Mûthenya ûmwe, Senakeribu akîgooca arî nyombarî ya Nisiroki, ngai yake, avîcî ake Adurameleki na Sharezeri nîmaamûragire na mviû ciao, na makîûra makîthiî vûrûrirî wa Ararati. Nake mûvîcî, Esarihadoni nîwatuîkire mûthamaki vuva wake.

Isaia 47:13

Ûtwîre wînogetie mana na mataaro maku meengî. Tiga andû acio mathomaga îgûrû maturî, arîa marî ûûgî wa njata maûke makûvonokie, arîa makûrathagîra wa mweri wa mweri, magakwîra maûndû marîa mageekîka kûrî we.

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Jeremia 48:13

Nao andû a Moabu nîmagaaconoka nîûndû wa ngai yao Kemoshi, wata ûrîa andû a Isiraeli maaconokire nîûndû wa Betheli, ngai îrîa mevokete.

Jeremia 48:35

Nîngaatûma andû a Moabu matige kûgooca na kûruta magongoona marî kûndû kûrîa gûtûgîru, na matige kûvîvîria ngai yao ûbani. Ûguo nîguo nie Ngai-Mûnene nauga.

Jeremia 48:46

Mue andû a Moabu kaî mûrî na thîna-î! Andû arîa magoocaga Kemoshi onthe nîacûkangie! Ciana cienyu cionthe nîndave ikavirwa îthamîriorî.

Jeremia 48:7

We Moabu nîwevokire ûvoti waku na ûtonga waku, nwatî rîu wanawe nîûgatavwa; ngai yaku Kemoshi nîîkavirwa îthamîriorî, vamwe na athînjîri-Ngai na ndungata ciake.

Ndari 21:28

Athigari a mbaara nîmaaumire Heshiboni, maaumire îtûûrarî rînene rîa Sihoni mekariî ta nînîmbî cia mwaki. Maacûkangirie îtûûra rîa Ari vûrûrirî wa Moabu, na magîcûkangia tûrîma twa rûnjî rwa Arinoni.

Ndari 22:39

Kwoguo Balaamu nîmaathiîre na Balaki îtûûrarî rîa Kiriathi-huzothi.

Ndari 22:41

Kîraûko Kîam mûthenya ûcio wîngî Balaki nîwocire Balaamu na akîmûvira nginya Bamothibaali. Marî kûu Balaamu nîwonaga andû amwe a Isiraeli.

Ndari 23:14

Kwoguo Balaki nîwavirire Balaamu mûgûndarî wa Zofimu îgûrû rîa kîrîma Kîam Pisiga. Nîwatumire metha mûgwanja cia kîgongoona, na kûrî wa metha ya kîgongoona nîwategire ndegwa na ndûrûme.

Ndari 23:28

Kwoguo Balaki nîmaathiîre na Balaamu nginya kathûrûmûndû ga kîrîma Kîam Peori, varîa mûndû angîrûngama akona werû.

Ndari 24:17

Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.