Isaia 15:1 - ÎVUKU RÎA ÛVORO MWARO

¹ Îno nîyo ndûmîrîri ya Ngai îgiî Moabu: Îtûûra rîa Ari na rîa Kiri nîmacûkangîtue ûtukû ûmwe, naguo vûrûri wa Moabu ûkirîte îvooru.

Isaia 15:1 ပူးပေါင်းရင်းမြစ်များ

2Atha 3:25

na magîcûkangia matûûra mao marîa maro. Rîrîa maavîtûkagîrîra mîgûndarî îrîa mînoru, andû onthe a Isiraeli nîmaaikirie mathiga mîgûndarî îo, nginya mûthiiarî vûrûri ûcio ûkîthîrwa wîcûrîte mathiga, nîmaacokire makîthika ithima cionthe cia manjî na magîtema mîtî yonthe ya matunda. Mûthiiarî îtûûra rînene rîa Kiri Heresi nîrîo tu rîatigarire, nao andû arîa maaikagia mathiga na ikûtha nîmaarîthiûrûrûkîrie na makîrîgwatîra.

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 14:28

Mwakarî ûrîa Mûthamaki Ahazi aakwire, Ngai nîwavecanire ndûmîrîri îno:

Isaia 16:11

Kwoguo nînîracakaya ngoro nîûndû wa Moabu, na ngegua kîeva nîûndû wa Kiri-heresi.

Isaia 16:6

Andû a Juda maugaga atîrî, “Nîtwîguîte ûrîa andû a Moabu marî ecaari, nîtwîcî ûrîa maarî etîi mûno. Nîtwîcî ûrîa marî rûng'athio, mwîkumio na metûûgagîria; nwatî mwîtîîo ûcio wao nî wa mana.”

Isaia 16:7

Kwoguo andû a Moabu nîmararîra, onthe mararîrîra vûrûri wao. Cakayani mûno mue andû a Moabu, nîûndû wa wenye wa îtûûra rîa Kiri-heresethi.

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 25:12

Nîakomomora îtûûra rîrîa rîgitîre rîa Moabu na nthingo ndaca ciarîo na aigwîthie nthî.

Jeremia 9:26

Misiri, Juda, Edomu, njiarwa cia Amoni, Moabu na andû onthe arîa matûûraga werûrî na menjaga njuîrî ciao igakuvîva mîena. Andû a ndûrîrî ino cionthe na andû onthe a Isiraeli tî aruu ngororî.”

Ndari 21:28

Athigari a mbaara nîmaaumire Heshiboni, maaumire îtûûrarî rînene rîa Sihoni mekariî ta nînîmbî cia mwaki. Maacûkangirie îtûûra rîa Ari vûrûrirî wa Moabu, na magîcûkangia tûrîma twa rûnjî rwa Arinoni.

Gûco 2:18

‘Ûmûnthî nîmûkûvîtûkîrîra îtûûra rîa Ari mûvakarî wa vûrûri wa Moabu.

Gûco 2:19

Nîmûgûkinya vakuvî na vûrûri wa Aamoni, njiarwa cia Loti. Mûtikamavurie kana mûrûe nao nîûndû ndikaamûva wanarî gacunjî ka vûrûri wa Aamoni ûrîa nîmavete ûtuîke wao.’ ”

Gûco 2:9

Ngai-Mûnene nîwambîrire atî, ‘Ndûkathînie andû a Moabu, njiarwa cia Loti, kana mûrûe nao, nîûndû nînîmavete îtûûra rîa Ari, na ndikaamûva wanarî gacunjî ka vûrûri wao.’ ”