Isaia 14:4 - ÎVUKU RÎA ÛVORO MWARO

⁴ nîmakaaina rwîmbo rwa kûnyûrûria mûthamaki wa Babuloni makiugaga atîrî, “Kaî mûthamaki ûrîa ûratûvinyagîrîria nî mûcûkangie-î! Ûng'endu wake rîu nî mûthiru!

Isaia 14:4 ပူးပေါင်းရင်းမြစ်များ

2Maû 36:18

Mûthamaki nîwakuire indo cionthe cia hekarû irîa ciarî nene na nini na mûthithû wa wayo, ûtonga wa mûthamaki na anene ake, cionthe akîivira Babuloni ake.

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Isaia 14:17

Nîke watûmire nthî îtuîka ta werû, na agîcûkangia matûûra mayo, na akîgiria andû arîa moovetwe macoke kwao mîciî?’

Isaia 14:5

Ngai-Mûnene nîacûkangîtie wathani wa arîa aganu, nîaunangîte mûragi wao wa wathani,

Isaia 14:6

ûrîa maarivaga andû naguo marî na marakara matagûtigithîria, na kûmatha makîmanyariraga matarî na ntha.

Isaia 16:4

Tigani andû a Moabu arîa maûrîte matûûre vûrûrirî wenyu, magitîreni kuuma kûrî arîa marenda kûmacûkangia. Rîrîa ûrîa ûvinyanagîrîria akethîrwa atarî vo, na kûûragana kûthire na arîa matharîkagîra maume vûrûrirî,

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Isaia 47:5

Ngai-Mûnene arauga atîrî, “We mwarî wa Akalidei îkara ûkirîte kivi na ûthiî ndumarî, nîûndû ndûgaacoka gwîtwa mûndûmûka mûthamaki wa mavûrûri!

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 51:13

Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Isaia 51:23

Nîngaacoka nengere gîkombe kîu andû arîa makûnyariraga, arîa maakwîrire atî, ‘Mama nthî nîguo tûvîtûkîrîre îgûrû rîaku;’ arîa maatwire mûkurukuthu waku ta nthî, na magîûtua ta njîra na makavîtûkagîrîra îgûrû.”

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 48:17

Mue muonthe mûriganîtie na Moabu rîcakaîreni, namue muonthe mwîcî rîîtwa rîake waro. Ugani atî: ‘Wathani wake wa vinya nîmûthirie vinya, riiri na vinya waguo nîciathira.’

Maca 4:1

Thaavu nîîtigîte kûvenavenia, thaavu îrîa ntheru viû nîgarûrûkîte! Mathiga ma goro nîmanyaganîtue, manyaganîtue njîrarî kûndû kuonthe.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Danieli 2:38

Nîagûtuîte Mwathi wa andû onthe arîa matûûraga gûkû nthî, nyamû cia kîthaka, na iconi cia rîerarî. We nîwe kîongo kîu Kîam thaavu.

Habakuku 2:17

Maûndû macûku marîa wîkîte Lebanoni nîmagagûcokerera. Nîwaûragire nyamû ciakuo; nacio nîikaamwîgwithia guoya. Maûndû mama nîmagagûkinyîra, nîûndû wa ûûragani na maûndû macûku marîa wîkîte gûkû nthî, îni, maûndû marîa wîkîte matûûra, na arîa matûûraga kuo.

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.

Kûguû 18:16

“Kaî wî na thîna-î! Kaî wî na thîna-î, we Îtûûra rîrîa rînene, rîrîa rîekagîra nguo cia itambaa mbaro, cia rangi wa njambarawe, na cia rangi ndune. Ke eegemagia na mathaga ma thaavu, mathiga ma goro na ma ruru!

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.