Isaia 13:6 - ÎVUKU RÎA ÛVORO MWARO

⁶ Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Isaia 13:6 ပူးပေါင်းရင်းမြစ်များ

Ayubu 31:23

Nîûndû nînetigagîra kûverithua nî Ngai, ndingîekire ûndû ta ûcio.

Isaia 10:25

Nîûndû vuva wa kavinda kanini marakara makwa nîmakaathira na nîngaacûkangia andû a Asîria nîrî na mang'ûrîka.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 13:9

Taroria, mûthenya wa Ngai-Mûnene nîûgaakinya, mûthenya mûcûku wa marakara meengî na mang'ûrîka. Nthî nîgaacûkangua, nao andû evia arîa marî kuo mathirue viû.

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Isaia 14:31

“Rîrani mue matûûra monthe ma Afilisiti! Mue Afilisiti muonthe, gîani na guoya! Nîûndû rûkûngû rwa athigari rûkîte rumîte mwena wa rûgûrû: nî gîkundi Kîam athigari matarî guoya.”

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 23:1

Îno nîyo ndûmîrîri îgiî Turo. Mue meri cia Tarishishi, rîrani, nîûndû îtûûra rîa Turo nîrîcûkangie. Nyomba ciakuo na kûrîa meri irûngamaga nîkwomomore. Nîmûkaamenyithua ûvoro ûcio mwacoka kuuma Kuporo.

Isaia 34:2

Nîûndû Ngai-Mûnene nî mûrakaru nî mavûrûri monthe, arî na mang'ûrîka nîûndû wa athigari ao onthe a mbaara. Nîavangîte kûmathiria viû, akamarekereria maûragwe.

Isaia 34:8

Nîûndû Ngai-Mûnene arî na mûthenya wa kwîrîvîrîria, mwaka ûrîa akarîvîrîria Zayuni kuuma kûrî nthû ciayo.

Isaia 47:11

Nwatî nîûkaanyitwa nî maûndû macûku, na ndûkaavota kûmenya kûrîa maumîte. Nîûkaanyitwa nî mathîna, na ndûkaavota kûmathiria, maûndû ma gûkûthiria nîmagaaûka kûrî we wa rîmwe, marîa ûtanamenya ûvoro wamo.

Isaia 52:5

Kwoguo rîu nie nîratetheka na ndûî, rîrîa ngwona andû akwa matavîtwe mana? Arîa mamathaga nîkwa maretîîa, narîo rîîtwa rîakwa rîcambagua vîndî cionthe. Ûguo nîguo Ngai-Mûnene arauga.

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Isaia 63:4

Nînatuire na ngoro yakwa atî mûthenya wa kwîrîvîrîria nî mûkinyu, na vîndî ya gûkûûra andû akwa nî nginyu.

Isaia 65:14

Ndungata ciakwa ikaainaga irî na gîkeno ngororî, nwatî mue mûkaarîraga mûrî na ruuo ngororî, mûkiugagîrîria nîûndû wa ruuo rwa ngoro.

Jeremia 25:34

Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Jeremia 49:3

Mue andû a Heshiboni rîrani nîûndû îtûûra rîa Raba nîrîcûkangie! Mue andû a Raba cakayani! Îkîrani nguo cia macakaya, cakayani mûkîvinyûraga ava na varîa! Nîûndû ngai yenyu Milikomu nîîkûvirwa îthamîriorî, vamwe na athînjîri-Ngai ake na ndungata ciake.

Jeremia 51:8

Babuloni nîûgwîte wa rîmwe na ûkavootwa; ûcakaîreni! Carîriani ironda ciaguo ndawa, nwa kwîthîrwa nîûkûvona.

Ezek 13:5

Matigitagîra kûrîa nthingo ciatûkangîte, kana matuma nthingo cia kûgitîra andû a Isiraeli kuuma kûrî mbaara mûthenya wa Ngai-Mûnene wakinya.

Ezek 21:12

Mûndû, rîra ûkiugagîrîria, nîûndû rûviû rûu rûnooretwe nîûndû wa andû akwa na atongoria a Isiraeli. Manenganîrîtwe nîguo maûragwe vamwe na andû akwa, Kwoguo îringe kîero!

Danieli 5:26

Ciugo ino ciataûrirwe ta û: MENE; nî kuga atî Ngai nî mûtaru mîaka ya ûthamaki waku, na akaûthiria.

Danieli 5:9

Nake mûthamaki Belishazaru nîwatukirie kîthithi mûno, nao atongoria ake nîmaamakire.

Joeli 1:11

Cakayani mue arîmi; rîrani mue mûmenyagîrîra mîthavibu. Ngano na cairi nî njûkangie, maketha monthe mîgûndarî nî macûkangie.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Joeli 1:5

Ûkîrani mue mîrîu na mûrîre: ugîrîriani, mue muonthe anyui a ndivei, thavibu cionthe cia kûrûtha ndivei îno njerû nînjûkangie.

Joeli 2:1

Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.

Joeli 2:11

Ngai-Mûnene nîathaga athigari ake, athigari ake nî engî mûno, arîa mamwathîkagîra nî eengî mûno. Mûthenya wa Ngai-Mûnene nî mûnene na nîwakûmakania, nîûrîkû ûngîvota kûwîtirîria?

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Amosi 5:18

Kaî andû arîa metagîrîra mûthenya wa Ngai-Mûnene marî na thîna-î. Mwetagîrîra mûthenya ûcio wa Ngai-Mûnene nîkî na ûkethîrwa ûrî mûthenya wa nduma na tî wa ûtheri.

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.

Zefania 1:7

Kirani mbere ya Ngai-Mûnene, nîûndû mûthenya ya Ngai-Mûnene ûrî vakuvî. Ngai-Mûnene nîavarîrîtie kîgongoona, na akamûra ageni ake a gîtîîo.

Zakaria 14:1

Taroria! Mûthenya wa Ngai-Mûnene nîûgakinya. Mûthenya ûcio, mue andû a Jerusalemu indo cienyu nîigaatavwa na igaanwe mûkîonaga.

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Jakuvu 5:1

Na rîu mue itonga tanthikîrîriani. Rîrani na mwîgue kîeva nîûndû wa mathîna marîa maûkîte kûrî mue!

Kûguû 18:10

Nao nîmakaarûngama varaca, nîûndû nîmagetigagîra matikaverithue take. Nao nîmakaauga atîrî, “Uui! Uui! Babuloni îtûûra rîrîa rînene kavinda ka îthaa rîmwe tu nîrîaverithua!”