Isaia 13:5 - ÎVUKU RÎA ÛVORO MWARO

⁵ Maûkîte maumîte mavûrûri ma kûraca, maumîte mîthiia yonthe ya nthî. Ngai-Mûnene arî na marakara akuuîte indo ciake cia mbaara, nîguo acûkangie nthî yonthe nîûndû wa marakara make.

Isaia 13:5 ပူးပေါင်းရင်းမြစ်များ

2Sam 1:27

“Andû arîa marî na vinya nî magwîte, nacio indo ciao cia mbaara nî itiganîrîtue na igatura vata.”

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 13:17

Ngai-Mûnene arauga atîrî, “Nîngaaringîrîra Amede nîguo matharîkîre Babuloni. Mavûrûri mama matiûragia sîlûva, na matikenagua nî thaavu.

Isaia 24:1

Taroria, Ngai-Mûnene nîakûthiria nthî na îtigwe îrî ntheri. Akaamîng'aûrania anyaganie arîa matûûraga kuo.

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Isaia 30:27

Taroriani, Ngai-Mûnene nîaûkîte aumîte kûndû kûraca, atûmbîtwe nî marakara na arî ndogorî ndumanu îkiunûkagia; mîromo yake îcûrîtwe nî mang'ûrîka, naruo rûrîmî rwake rwîkariî ta mwaki ûrîa ûvîvagia viû.

Isaia 34:2

Nîûndû Ngai-Mûnene nî mûrakaru nî mavûrûri monthe, arî na mang'ûrîka nîûndû wa athigari ao onthe a mbaara. Nîavangîte kûmathiria viû, akamarekereria maûragwe.

Isaia 48:14

“Ûnganani vamwe muonthe na mûthikîrîrie! Nî mûvuanano ûrîkû gatagatîrî ka mîvuanano îo waririe maûndû mau? Ke ûrîa Ngai-Mûnene endete, nîke ûgeeka Babuloni ûrîa Ngai-Mûnene endaga, na nîke ûkaatharîkîra Akalidei.

Isaia 5:26

Ngai-Mûnene nîakaamenyithia vûrûri wa kûraca, na augîrie andû mûrûri kuuma mîthiia ya nthî; nao magaaûka mavinyûrîte.

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Isaia 7:18

“Vîndî îo, Ngai-Mûnene nîakaaugia mûrûri ete andû a Misiri maûke ta ngi kuuma kûrîa tûrûnjî twa Nailo tumîte, na Asîria maûke ta njûkî kuuma vûrûrirî wao.

Jeremia 50:25

Nîmvingûrîte kûrîa mbigaga indo cia mbaara, na nîirutîte kuo nîrî na marakara, nîûndû nie Ngai-Mûnene Mwene vinya wonthe, nîrî na wîra wa kûruta vûrûrirî wa Akalidei.

Jeremia 50:3

“Nîûndû vûrûri kuuma mwena wa rûgûrû nîûkîte kûtharîkîra vûrûri wa Babuloni, na ûûtue maganjo. Gûtirî mûndû ûgaûtûûra, andû nîmakaaûra wana nyamû ciume kuo.”

Jeremia 50:9

Nîngûthagathaga mavûrûri manene kuuma mwena wa rûgûrû nîguo matharîkîre Babuloni. Nîmaûka mavange ûrîa makûtharîkîra Babuloni na mamîtave. Mîguî yao nî ta ya athigari njamba arîa matavîtagia.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.