Isaia 13:18 - ÎVUKU RÎA ÛVORO MWARO

¹⁸ Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Isaia 13:18 ပူးပေါင်းရင်းမြစ်များ

2Atha 8:12

Hazaeli nîwaûririe Elisha atîrî, “Mwathi wakwa, ûrarîra nîkî?” Nake Elisha nîwacokerie Hazaeli atîrî, “Nîûndû nîmbîcî maûndû macûku marîa ûgeeka andû a Isiraeli: nîûkavîvia matûûra mao marîa magitîre, ûûrage anake ao, ûûrage ciana ciao, na nîûgaatarûra nda cia aka a Isiraeli arîa marî mavu.”

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Thaburi 127:3

Ciana, nî îgai kuuma kûrî Ngai-Mûnene; ciana nî kîveo kuuma kûrî ke.

Isaia 13:16

Ciana ciao cia ngenge nîikaaûragwa wa makîyonagîra; indo cia nyomba ciao nîigaatavwa, na aka ao mamenywe kîîmwîrî na vinya.”

Isaia 47:9

Maûndû mama moîrî magaaûka kûrî we wa rîmwe mûthenya ûmwe, gûkuîrwa nî ciana na gûtuîka mûndûmûka wa ndigwa, wana ethîrwa wî na ûrogi mwîngî, na wî na vinya mwîngî wa kûringa mbûgû.

Isaia 5:28

Mîguî yao nî mîûgî, na mota mao nîmatunge. Mavûngû ma mbarathi ciao maûmîte ta mathiga, na magûrû ma ikaari ciao mavinyûraga ta rûkûngi.

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 5:16

Athigari ao njamba maûraganaga matarî na ntha.

Jeremia 50:30

Kwoguo anake a îtûûra rîu makaûragîrwa ivaarorî ciarîo na athigari onthe a rîo nîmagacûkangua mûthenya ûcio. Ûguo nîguo nie Ngai-Mûnene nauga.

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 51:22

Nîwe ndûmagîra kûraga arûme na aka, andû arîa akûrû na arîa ethî, wana tûvîcî na twîrîtu.

Jeremia 6:23

Manyitîte moota na matumû, nî aganu mûno na matirî ntha, mûgambo wao nîta mûrurumo wa îria. Mathiîcaga mekarîrîte mbarathi, mevangîte na mevarîrîtie kûrûa nawe, we îtûûra rîa Zayuni.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Danieli 7:5

“Nayo nyamû ya kaîrî yekariî ta Kîamthi nîyaumîrire na îkîrûgama na magûrû mayo ma vuva. Nyamû îo yanyitîte mbaru ithatû na magego. Nayo nîyerirwe atîrî, ‘Rîa nyama nyîngî wata ûrîa ûkavota.’

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Nahumu 2:1

We Nineve, nîûratharîkîrwa! Menyerera ûgitîri waku! Gitîra varavara ciaku! Îîvarîrie! Îîvarîrie nîûndû wa mbaara!

Nahumu 3:10

Kûnarî ûguo, andû a Thebesi nîmaakuirwe marî mîgwate. Ciana ciakuo ciarivagîrwa ndeererî cia varavara ikenda gûkua. Anene ao nîmaakuirwe marî na mînyororo, na makîgaanua gatagatî ka arîa mamanyitîte.