Isaia 13:17 - ÎVUKU RÎA ÛVORO MWARO

¹⁷ Ngai-Mûnene arauga atîrî, “Nîngaaringîrîra Amede nîguo matharîkîre Babuloni. Mavûrûri mama matiûragia sîlûva, na matikenagua nî thaavu.

Isaia 13:17 ပူးပေါင်းရင်းမြစ်များ

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Isaia 41:25

“Nîndûmîte mûndû aume mwena wa rûgûrû nake nîmûku, nîmûthuurîte kuuma mwena wa îrathîro, nake nîagaakaîra rîîtwa rîakwa. Ke nîagaakinyanga athamaki ta yûmba, ta ûrîa mûmbi wa nyûngû akinyangaga yûmba.

Jeremia 25:25

athamaki onthe a Zimuri, athamaki onthe a Elamu na athamaki onthe a Media;

Jeremia 50:3

“Nîûndû vûrûri kuuma mwena wa rûgûrû nîûkîte kûtharîkîra vûrûri wa Babuloni, na ûûtue maganjo. Gûtirî mûndû ûgaûtûûra, andû nîmakaaûra wana nyamû ciume kuo.”

Jeremia 50:30

Kwoguo anake a îtûûra rîu makaûragîrwa ivaarorî ciarîo na athigari onthe a rîo nîmagacûkangua mûthenya ûcio. Ûguo nîguo nie Ngai-Mûnene nauga.

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 50:9

Nîngûthagathaga mavûrûri manene kuuma mwena wa rûgûrû nîguo matharîkîre Babuloni. Nîmaûka mavange ûrîa makûtharîkîra Babuloni na mamîtave. Mîguî yao nî ta ya athigari njamba arîa matavîtagia.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Danieli 5:26

Ciugo ino ciataûrirwe ta û: MENE; nî kuga atî Ngai nî mûtaru mîaka ya ûthamaki waku, na akaûthiria.