Isaia 12:6 - ÎVUKU RÎA ÛVORO MWARO

⁶ Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 12:6 ပူးပေါင်းရင်းမြစ်များ

Thaburi 132:14

“Îno nîyo nyomba yakwa îrîa ngûtûûra tene na tene; nîndûûra gûkû nîûndû nînîkwendete.

Thaburi 135:21

Kumiani Ngai-Mûnene mûrî Zayuni, mue arîa mûtûûraga Jerusalemu! Kumiani Ngai-Mûnene!

Thaburi 46:5

Ngai arî îtûûrarî rîu, na rîtigaacûkangua; Ngai nîagaaûka macangîa kûrîva ûtethio.

Thaburi 68:16

Ûreguîra kîrîma kîu kîrî na tûcûmbîrî twîngî wîru nîkî, kîrîma kîrîa Ngai aathuurire nîguo atûûre kuo? Ngai-Mûnene agaatûûra kuo tene na tene.

Thaburi 71:22

Nîngaagûkumia ngîvûûraga ngita; nîngaakumia wîvokeku waku, we Ngai wakwa. Nîngaakwinîra nyîmbo na kînanda, we ûrîa Mûtheru wa Isiraeli.

Thaburi 89:18

We Ngai-Mûnene, vinya ûrîa ûtûgitagîra nî waku; we Ûrîa Mûtheru wa Isiraeli nîwe ûtûvete mûthamaki wetû.

Thaburi 9:11

Inani nyîmbo cia gûkumia Ngai-Mûnene, ûrîa ûtûûraga Zayuni! Îrani andû a onthe ûrîa Ngai-Mûnene ekîte.

Thaburi 99:2

Ngai-Mûnene nîke mûnene Zayuni; nîke ûkumagua mavûrûrirî monthe.

Isaia 1:24

Kwoguo Ngai-Mûnene Mwathani mwene vinya wonthe, kîvoti wa Isiraeli arauga atîrî, “Nîngetûrûra marakara makwa kûrî nthû ciakwa, na nîîrîvîrîrie kûrî andû arîa mareganaga nanie.

Isaia 10:24

Kwoguo Mwathani, Ngai-Mûnene mwene vinya wonthe arauga atîrî, “Mue andû akwa arîa mûtûûraga Zayuni, mûtigetigîre andû a Asîria wana mamûriva na njokoma kana mûragi ta ûrîa mwekagwa nî andû a Misiri.

Isaia 24:14

Andû arîa magaatigara nîmakaugîrîria, nîmakaaina makenete. Arîa marî mwena wa îthûîro nîmakaanîrîra ûnene wa Ngai-Mûnene.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Isaia 33:21

Nwatî kûu nîkuo Ngai-Mûnene agaatwoneria riiri wake. Nîgûkethîrwa kûrî na nyûnjî nene na tûrûnjî, kûrîa meri cia mbaara itakaavîtûkîrîra, kana meri irîa nene itonya kuo.

Isaia 33:24

Gûtirî mûndû ûkaauga rîngî atîrî, “Nie nîrî mûrwaru.” Andû onthe arîa matûûraga kûu nîmagaakirîrîrua mevia mao.

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 54:1

Ngai-Mûnene arauga atîrî, Ina, we mûndûmûka nthata we ûtaanaciara, ugîrîria na wine na vinya, we ûtaanegua ruuo rwa gûciara. Nîûndû ciana cia mûndûmûka ûrîa ûtigîtwe nî nyîngî, gûkîra cia mûndûmûka ûrîa ûrî na mûrûme!

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 8:18

Nie vamwe na ciana irîa Ngai-Mûnene amvete nî kîonereria na rûûri kûrî andû a Isiraeli kuuma kûrî Ngai-Mûnene, mwene vinya wonthe ûrîa ûtûûraga Kîrîmarî gîa Zayuni.

Jeremia 10:6

We Ngai-Mûnene gûtirî wîngî wîkariî tawe, we wî mûnene na rîîtwa rîaku rîrî vinya mwîngî.

Ezek 35:10

“Nîûndû waugire atî ndûrîrî icio igîrî, ‘Isiraeli na Juda’ nî mavûrûri maku na nîûkaamegwatîra, wana ethîrwa nie, Ngai-Mûnene ndûûraga kuo.

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”

Ezek 43:7

akiuga atîrî, “Mûndû, gîkî nîkîo gîtî gîakwa Kîam ûthamaki na nîvo mbigaga magûrû makwa. Nîndûûra gatagatî ka andû a Isiraeli na nîmathamakîre tene na tene. Andû a Isiraeli kana athamaki ao matigacoka kûgwatia rîîtwa rîakwa rîtheru gîko rîngî makîgooca mîvuanano kana makîthika ciimba cia athamaki ao kûndû gûkû kûtheru.

Ezek 48:35

Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”

Ezek 48:8

Gîcunjî kîrîa kîriganîtie na mûvîrîga wa Juda kuuma mwena wa îrathîro nginya îthûîro Kîam wariî wa kilomita îkûmi na igîrî na nuthu (12.5) kuuma mwena wa rûgûrû nginya mwena wa îveti gîgaatuîka Kîammûre. Gîcunjî kîu gîkethîrwa kîrî na ûraca wîganene na ûraca wa icunjî irîa igaîrîtwe mîvîrîga. Hekarû îgaatumwa gîcunjîrî gîkî.

Hosea 11:9

Nîngwîrigîrîria ndigeke ûndû na marakara; ndigaacûkangia Efiraimu rîngî, nîûndû nî Ngai na ndiîkariî ta mûndû. Nie ûrîa mûtheru gatagatîrî kenyu, ndigaûka gûkûverithia nîrî na marakara.

Joeli 2:27

Nîmûkaamenya atî nîrî gatagatî ka Isiraeli, na nîmûkaamenya atî nie Ngai-Mûnene nîrî namue na gûtirî wîngî. Na atî andû akwa matigaconorithua rîngî.

Zefania 2:5

Mue Afilisiti, kaî mûrî na thîna-î, mue mûtûûraga Kirete. Ngai-Mûnene nîamûtuîrîrîte ciira mue Akanaani na Afilisiti. Nîakaamûcûkangia, na gûtirî wanarî ûmwe wa cienyu ûgatigwa.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 2:9

Ngai-Mûnene nîke ûkaarûa nao na nîmagaatavwa nî andû arîa maarî ngombo ciao.” Vîndî îo nîmûkaamenya atî Ngai-Mûnene, mwene vinya wonthe nîke ûndûmîte.

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Gûco 23:15

“Ngombo îngîtoroka kuuma kûrî mwathi wayo na yûke kûu Isiraeli îkîenda mûmîgitîre, mûtikamîcokie kûrî mwathi wayo.