Isaia 12:1 - ÎVUKU RÎA ÛVORO MWARO

¹ Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 12:1 ပူးပေါင်းရင်းမြစ်များ

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Ayubu 11:16

Nîûgacoka ûriganîrwe nî mathîna maku monthe, ta ûrîa manjî mavîtûkaga na makariganîra.

Ayubu 13:16

Ûndû ûyû nîguo ûkaamvonokia, atî mûndû mwîvia ndangîvota kûthiî mbere ya Ngai.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 71:21

Nîûgûtûma ngîe îgweta gûkîra mbere, na ûnyûmîrîrie rîngî.

Thaburi 85:4

Tûcokie twîkare ûrîa twekariî mbere, we Ngai mûvonokia wetû, na ûtige kûrakara nîûndû wetû.

Thaburi 86:17

Îka ûndû wa kûmonia wega waku we Ngai-Mûnene, nîguo arîa manthûrîte mone na maconoke, nîûndû we, Ngai-Mûnene nîûndethetie na ûkanyûmîrîria.

Thaburi 9:1

Nîngaacokeria ngatho Ngai-Mûnene na ngoro yakwa yonthe, ngaaragia ûvoro wa maûndû monthe ma magegania marîa wîkîte.

Isaia 10:25

Nîûndû vuva wa kavinda kanini marakara makwa nîmakaathira na nîngaacûkangia andû a Asîria nîrî na mang'ûrîka.

Isaia 10:4

Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 11:16

Nîgûkaagîa na njîra nene yumîte Asîria, nîûndû wa andû ake arîa maatigarire kuo, wata ûrîa gwekîkire kûrî andû a Isiraeli rîrîa maaumaga Misiri.

Isaia 14:3

Rîrîa Ngai-Mûnene akaathirîria andû a Isiraeli kîeva, mathîna na mawîra marito marîa maarutithagua,

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Isaia 54:7

“Nagûtiganîrie kavinda kanini tu, nwatî nîngaagûcokanîrîria ngîkwîgucagîra ntha nyîngî mûno.

Isaia 54:8

Nakûthithire ûthiû wakwa gwa kavinda kanini, nîûndû wa ûrîa natûmbîtwe nî marakara, nwatî nîngaakwîguîra ntha na wendo ûtathiraga.” Ûguo nîguo Ngai-Mûnene Mûkûri waku arauga.

Isaia 54:9

“Nîmbîka wata ûrîa nekire vîndî ya Nuhu: vîndî îo nînevîtire atî, ndigaakunîka nthî rîngî na mwîcûro wa manjî. Kwoguo rîu nînîvîtîte atî ndikaarakara nîwe rîngî, na ndikaagûkûûma rîngî.

Isaia 60:10

Ageni nîo magaatuma rîngî nthingo cienyu, nao athamaki ao nîmakaamûtungatîra. Wana ethîrwa nînamûverithirie nîûndû wa kûrakara, rîu nîngûmwîguîra ntha na nîmûtuge.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Isaia 65:18

Nwatî tûûragani mûkenete vîndî cionthe, mûgîcanjamûkaga nîûndû wa indo irîa ngûmba. Jerusalemu îrîa ngûmba îkethagîrwa îrî gîkeno, nao andû a kuo mageekaraga makenete.

Isaia 66:13

Nie ngaamûmîrîria mûrî kûu Jerusalemu wata ûrîa mwana aûmagîrîrua nî ng'ina.

Jeremia 30:19

Atûûri a Jerusalemu nîmakaaina nyîmbo cia kûgooca, nîmakaugîrîria nî gûkena, nîngatûma mongerereke na matikanyiva; nîngatûma matîwe na matikairwa.

Jeremia 31:13

Erîtu nîmakeinia makenete, na anake na athuuri nîmagaakena. Nîngaagarûra macakaya mao matuîke gîkeno, nîngamaûmîrîria na ndûme magîe na gîkeno îthenya rîa kîeva.

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Zakaria 1:16

Kwoguo, nînjokete îtûûrarî rînene rîa Jerusalemu nîguo nîrîguîre ntha. Hekarû yakwa nîgaatumwa îtûûrarî rîu rîa Jerusalemu na rîcoke rîtumwe rîngî.”

Zakaria 14:20

Vîndî îo mbugi irîa ciîthagîrwa ciîkîrîtwe mbarathi nîikaandîkwa “CIAMÛRÎRÎTWE NGAI-MÛNENE,” nacio nyûngû irîa irî hekarûrî ya Ngai ikethîrwa irî nyamûre wata mbakûri irîa irî metharî ya kîgongoona.

Zakaria 14:9

Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

Zakaria 8:11

Nwatî rîu ndigwîka andû a rûrîrî arîa matigarîte ta ûrîa nekire tene.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”

Aroma 11:15

Nîûndû rîrîa Ngai aaregire Ayahudi, andû acio engî a nthî nîmaatuîkire arata ake. Kwoguo rîrîa Ngai ageetîkîra Ayahudi, andû arîa makeethîrwa marî akuû nîmakaariûka.