Isaia 10:4 - ÎVUKU RÎA ÛVORO MWARO

⁴ Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 10:4 ပူးပေါင်းရင်းမြစ်များ

Isaia 22:2

Nîndûî kîratûma mugîrîrie mûkenete, îtûûra rîonthe rîcûrîtwe nî wagagu na înegene. Andû enyu arîa maakwire matiaûragwa na mviû, na matiaûragîrwa mbaararî.

Isaia 24:22

Ngai nîakaamaûngania onthe vamwe îrimarî ta mîgwate; nîmakaavingîrwa njeera mîthenya mîîngî, na mîthenya îo yathira nîmakaaverithua.

Isaia 34:3

Ciimba ciao igatewa na kûu nja, na mûnungo wa ciimba ciao wîcûre vûrûrirî; nayo nthakame yao îkanyûrûrûka kuuma irîmarî.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Isaia 66:16

Nîûndû Ngai-Mûnene agaatuîra andû onthe na mwaki na rûviû rwake; nao andû eengî nîmakaaûragwa.

Isaia 9:11

Kwoguo, Ngai-Mûnene nîakaarete nthû ciao nîguo imatharîkîre.

Isaia 9:12

Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.

Isaia 9:16

Atongoria a andû aya nîmamavîtithîtie, nao arîa matongoragua nî andû aya nîmaûrîte.

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Isaia 9:20

Macunanaga indo nwatî matiîganagîra, marîcaga nyama cia mûndû ûrîa wîngî, wa mûndû atharîkagîra mûndû ûrîa wîngî.

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Jeremia 15:2

Na mangîkûûria, ‘Nîtûthiî kû?’ Ûkaamera, ‘Nie Ngai-Mûnene mbugîte atî: Arîa matuîrîrîtwe kûûragwa nî mîrimû makaaûragwa nî mîrimû, arîa matuîrîrîtwe kûûragîrwa mbaararî makaaûragîrwa mbaararî, arîa matuîrîrîtwe makaûragwa nî yûra makaaûragwa nî yûra, arîa matuîrîrîtwe gûtavwa mavirwe îthamîriorî nîmagaatavwa mavirwe kuo.’ ”

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Jeremia 4:8

Nîûndû wa ûguo îkîrani nguo cia macakaya, mûrîre na mûcakae, nîûndû Ngai-Mûnene tîmûtigu kûrakara nîûndû wetû.”

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?