Isaia 10:34 - ÎVUKU RÎA ÛVORO MWARO

³⁴ Ngai-Mûnene nîagaatemanga nthû ta ûrîa mîtî îrî mûtitûrî îtemagwa na îthanwa, amagwîthie ta mîtarakwe îrîa mînene ya Lebanoni!

Isaia 10:34 ပူးပေါင်းရင်းမြစ်များ

Thaburi 103:20

Kumiani Ngai-Mûnene, mue araika arîa anene na marî vinya, mue mwathîkagîra watho wake na mwîkaga ûrîa augîte.

Isaia 10:18

Naguo riiri wa mîtitû yake na mîgûnda yake mînoru; Ngai-Mûnene nîakamîcûkangia îthire viû, îkethîrwa îkariî ta ûrîa mûndû athiragua nî mûrimû.

Isaia 2:13

Nîagaakinda mîtarakwe yonthe ya Lebanoni, îrîa mîraca na mîaro, na mîvuru yonthe vûrûrirî wa Bashani.

Isaia 31:8

Vîndî îo Asîria makaaûragwa na rûviû na tî rwa mûndû; makaathirua na rûviû rwa vinya gûkîra rwa mûndû, nao nîmakaaûra nî rûviû rûu, na anake ao arîa ethî nîmakaarutithua wîra na vinya.

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Isaia 37:24

We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Jeremia 22:7

Nîngûvarîrîria andû a gûgûcûkangia, wa mûndû arî na indo cia mbaara njararî, nao nîmagaatema mîtarakwe îrîa mîaro, na mamikie mwakirî.

Jeremia 48:2

Ngumo ya vûrûri wa Moabu nî nthiru, mîvango mîcûku îgiî Moabu yavangîrwe Heshiboni: ‘Ûkani tûûcûkangie ûtige gûtuîka vûrûri rîngî!’ Wanawe îtûûra rîa Madimeni nîûkûthira viû, ndûkaûrîra mbaara îrîa yûkîte.

Ezek 31:3

Nîngûringithania na mûtî wa mûtarakwe wa Lebanoni, ûrîa ûrî mvûa mbaro na ûrî kîruru Kîamro. Nî mûtî mûraca mûno ûkinyîte maturî.

Danieli 4:23

Navo varîa we Mûthamaki wonire mûrangîri ûrîa mûtheru anyûrûrûkîte kuuma îgûrû na akiuga atîrî, ‘Tema mûtî na ûûcûkangie viû, nwatî tiga kîthukî na mîri yakîo îtigwe na kûu nthî ciovetwe na mûcivi wa cuuma na gîcango. Tiga arivagwe nî îme; na atûûrage kîthakarî akîrîcaga nyaki ta nyamû cia kîthaka îvinda rîa mîaka mûgwanja.’

Nahumu 1:12

Ngai-Mûnene arera andû ake atîrî, “Wana ethîrwa Asîria nî engî na marî vinya, nîmakaavootwa na macûkangue. Wana ethîrwa nînîmûnyamarîtie mûno, nie tînîmûnyamaria rîngî.

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

2Pet 2:11

Wana nginya araika arîa methagîrwa marî na vinya na ûvoti makîria ya arimû a maveeni matimathitangaga kûrî Mwathani makîmarumaga.

Kûguû 10:1

Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.